Burela 16-8-17. Con nove días de pretempada, o Pescados Rubén Burela FS de Julio Delgado e Iván Cao ‘Lucas’ estreará o calendario de amigables xa este sábado, na pista do Ourense Envialia (Os Remedios, 19.00 horas): “É aínda cedo, tan só levamos dúas ou tres sesións de pista, pero imos coa ilusión de competir contra o actual campión de Copa e de poñerlle as cousas difíciles. Queremos mostrarnos, sobre todo, como un equipo competitivo que vai buscar estar o máis arriba posible na liga. O Ourense é un equipo con poucos cambios e con bos reforzos; vai ser un dos chamados a loitarlle ao Navalcarnero a liga” explicaba Julio.
A nave burelista de 2017-18 manterá a dirección e o rumbo que tantas ledicias outorgou nas últimas tempadas á Familia Laranxa: “Xa levamos dous anos traballando de forma conxunta e creo que estamos facendo un bo labor. Nesta liña seguiremos traballando, aínda que o peso recaerá un pouco máis esta tempada en Julio” explicaba Lucas, sobre o que Julio tamén incidía: “Seguiremos traballando xuntos, da man, aínda que Lucas non vai poder dedicarlle todo o tempo que desexaría”.
Pouco a pouco o novo Pescados Rubén de Primeira RFEF 2017-18 vai formándose, cunhas primeiras sensacións inmellorables sobre a pista: “É un equipo con novidades e moita ilusión, que volve ao traballo despois de facer unha tempada bastante boa. É un proxecto moi ilusionante, que aspira a conseguir un pouco máis este ano en consonancia coa aposta e esforzo que está facendo o club. Marcámonos uns obxectivos ambiciosos, queremos loitar por todo. Sabemos que vai ser complicado, pero nós temos ilusión e ganas” coincidían en asegurar ambos os técnicos.
Á espera do regreso de Cilene e da formalización do contrato de Julia Forsiuk, o cadro laranxa feminino traballa tamén con incorporacións do filial: “Pouco a pouco van chegando as xogadoras; tamén están traballando con nós deportistas do Comarcal A Fervenza, dúas porteiras e catro xogadoras, que tamén nos están dando un pouco máis de calidade e profundidade á hora de traballar as sesións; estamos coñecendo a xogadoras moi novas e esperamos que nun futuro formen parte deste club”.
“É un verdadeiro orgullo traballar cun equipo feminino porque teñen unha entrega formidable. É un inicio duro, con sesión dobre case todos os días, e, non obstante, as sensacións son boísimas. Hai bo ambiente, cunha mestura de xuventude e veteranía espectacular. Hai moita carga de traballo pero dende o corpo técnico estamos moi contentos co seu rendemento” recoñecía Julio Delgado, sobre o que Lucas puntualizaba: “É imposible non estar contentos con estas xogadoras”.
Corpo técnico
Xunto a Julio e Lucas traballarán cóbado con cóbado o preparador físico Míchel Couceiro e a fisioterapeuta Sandra Saavedra; a xogadora Emma Losada asumirá as responsabilidades de delegada.
Calendario confirmado de agosto
Sábado 19 de agosto, Os Remedios (19.00 horas): Ourense Envialia-Pescados Rubén Burela FS
Venres 25 e sábado 26 de agosto, Torneo Internacional Cidade Viana do Castelo (Benfica, Poio Pescamar, VV Pernis, Santa Luzia e Pescados Rubén)
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
