Ribadeo, 12 de setembro de 2017. Despois do encontro mantido este mediodía coa xunta de persoal do Hospital da Costa para tratar a reforma da lei de saúde de Galicia, o alcalde ribadense dixo que saíu máis preocupado do que entrou. Fernando Suárez asegurou que non se pode prexudicar deste xeito aos veciños e veciñas de Ribadeo e do resto da comarca suprimindo a área sanitaria da Mariña e convertendo o Hospital da Costa nun apéndice do HULA. O goberno municipal apoiará as mobilizacións que se leven adiante os mércores diante do hospital mariñán e do centro de saúde de Ribadeo.
O alcalde ribadense declarou que “acabamos de saír deste encontro que solicitamos desde o goberno municipal de Ribadeo coa xunta de persoal do Hospital da Costa de Burela, e onde queríamos tratar de primeira man con todos estes representantes do persoal a situación desta modificación da lei de saúde que pretende o goberno autonómico do Partido Popular”.
Fernando Suárez salientou que “no que nos afecta á comarca da Mariña e no que ten que ver con Ribadeo, vaise suprimir a área sanitaria da Mariña e imos ser unha peza máis, un apéndice máis, do departamento de Lugo, da área provincial. Como dicía Rajoy hai tempo cando entraba nunha reunión preocupado, a min tamén me pasa o mesmo se ben entrei preocupado nesta reunión saio máis preocupado polo que alí escotei destes homes e mulleres que durante un tempo longo nos estiveron explicando, á concelleira de Servizos Sociosanitarios, Sonia Meilán, e máis a min, da situación no presente e do que se espera de cómo vai ir evolucionando e as consecuencias negativas, sempre absolutamente negativas, que terán para a poboación da Mariña e especialmente no noso caso para Ribadeo”.
O rexedor manifestou que “se ben é certo que agora no Hospital da Costa calquera que veña pode ver como hai unhas ampliacións, como hai ladrillos, como hai obras, realmente é unha ampliación de espazos que desde logo era necesario, pero non vai haber unha ampliación de servizos nin moito menos. Non vai haber nin ampliación de laboratorios, nin cirurxía vascular, nin quirófanos, nin máis camas na UCI, nin resonancias, nin raios, etc…, o único programa que ten aquí o Partido Popular e o goberno autonómico é unha centralización absoluta de servizos, unha derivación como se está vendo en moitos usuarios ás grandes empresas privadas da medicina, que son os grandes beneficiarios destas reformas lexislativas, e ao mesmo tempo alonxan a sanidade do paciente, incorporándolle un gasto económico para todos aqueles que non somos da capital. Porque aínda que en Ribadeo haxa autovía, Lugo segue quedando a máis dunha hora e iso supón máis os gastos, o que hai que facer cando un ou un familiar se operan alí, as revisións, etc…, o custe que iso supón”.
Fernando Suárez dixo que “á vista de todo isto eu quero manifestar o apoio pechado do goberno municipal de Ribadeo a esta reivindicación contra a supresión da área sanitaria da Mariña. De aí que en todos os instrumentos que teñamos ao noso alcance, o pleno da Corporación, as accións do goberno, a concentración que todos os mércores e que mañá concretamente se fará diante do Centro de Saúde de Ribadeo, e á que acudiremos tamén para demostrarlle ao goberno autonómico que as cousas non se fan así”.
Para o alcalde de Ribadeo “aínda que teñan a maioría absoluta non poden facer as cousas desta maneira, non poden prexudicar aos que menos teñen, non poden prexudicar aos que vivimos na periferia, non poden converter un hospital de referencia como foi sempre durante trinta anos, o Hospital da Costa, nun apéndice do Hospital de Lugo”.
Suárez Barcia amosou “o noso compromiso e o noso apoio contra esta infamia que quere levar adiante o goberno autonómico do Partido Popular”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
