Ribadeo, 13 de setembro de 2017. O alcalde, Fernando Suárez, subliñou que non foi o Concello o culpable da perda do verán no hotel do Faro da Illa Pancha. O rexedor asegurou que o concesionario presentou hai pouco unha terceira declaración responsable na que garante o acceso público así como ter arranxado as deficiencias detectadas polos técnicos municipais.
Suárez Barcia dixo: “en relación coa situación do hotel na Illa Pancha, debo dicir que o sistema de licencias desde hai un tempo a esta parte cambiou. Agora cando alguén presenta unha declaración responsable de que cumpre coas esixencias legais pódese abrir. Logo o Concello ten que verificar que isto está acorde coa legalidade en dous ámbitos, por unha banda que a documentación técnica se axuste á legalidade e en segundo lugar cunha comprobación in situ por parte do técnico municipal”.
O alcalde ribadense explicou que “o solicitante no seu momento presentou unha primeira declaración responsable aos efectos de poder abrir unha actividade. Daquela tecnicamente díxoselle que o declarado non se axustaba á legalidade. Posteriormente presentou unha segunda declaración responsable onde volveu perseverar neses erros polo que se lle mantivo a suspensión da actividade”.
Fernando Suárez contou que “agora, despois do verán, presentou unha terceira declaración responsable con supostamente todo corrixido e aquí o concesionario garante na súa argumentación o acceso público. Á vista de todo isto, os informes dos técnicos municipais indican que se pode levantar a suspensión existente”.
O alcalde engadiu que “entramos agora nunha nova fase na que queda por verificar in situ polos técnicos municipais que todo o que dixo está correcto e adaptado á lei, así como tamén que está garantido o acceso público como no resto de actividades deste concello. Se está todo ben, aquí paz e despois gloria como diría o outro, e senón está todo ben requiriráselle, como en calquera outra actividade, para que o corrixa nun prazo determinado, e senón o fai así procederase a suspender novamente”.
Fernando Suárez manifestou que “o Concello non é culpable nin da perda do verán, nin dos custes que deberá afrontar a concesión, nin tarabelos de gaita. O concesionario do hotel utilizou o verán en corrixir todos eses defectos e en asegurar que esa actividade funcione conforme á lei. Desde logo en Ribadeo non podemos, nin queremos, nin imos permitir que haxa unha actividade hoteleira ou calquera outra, sexa unha perruquería, un bar, ou unha industria, onde a auga potable se leve a cántaros, ou onde na varanda da ponte se poida colar un neno por non estar esta adaptada á normativa, ou onde a foxa séptica non reúna os requisitos e non se saiba moi ben onde acaban eses vertidos”.
O rexedor insistiu en que “foron e son todas estas cuestións básicas que temos que esixir. Sería polo tanto unha irresponsabilidade nosa non facelo. Non son cuestións nin políticas nin caprichosas, son cuestións técnicas, é dicir, cando está mal péchase e cando estea ben ábrese”.
O Alcalde subliña que non foi o Concello o culpable da perda do verán no Hotel do Faro da illa Pancha. Fernando Suárez asegura que o concesionario presentou hai pouco unha terceira declaración responsable na que garante o acceso público e di ter arranxado as deficiencias detectadas polos técnicos municipais
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
