Barreiros, 1 de setembro de 2017. Tras ter preguntado no último pleno municipal e solicitado o acceso ao orzamento presentado para a limpeza das praias con maquinaria que este verán estivo realizando unha empresa para o Concello de Barreiros, sen que lle fora contestado nin entregado, o BNG conclúe que “o goberno municipal non sabe canto van custarlle ao Concello estes traballos.”
“O lóxico é que cando se contrata un servizo a unha empresa se faga unha previsión de cal vai ser o custo. Por un lado, para saber se hai capacidade para afrontalo e, por outro, para poder solicitar varias ofertas e escoller a máis beneficiosa para o Concello”, explica a portavoz municipal, Ana Ermida.
Segundo explican desde o BNG, os traballos de limpeza que se realizaron nas praias con maquinaria durante todo o verán foron adxudicados directamente a unha empresa. Sen saber previamente o custo e sen comparar por se había ofertas mellores.
“É unha mostra de como se xestionan os cartos de todas e todos en Barreiros: adxudicándoos directamente a quen o Alcalde e o seu goberno queren e sen importar o impacto que vaia ter na, xa ben precaria, economía municipal.”
Depósito dos residuos nos contedores do lixo.
Pero ademais, desde o Bloque Nacionalista Galego aseguran que o goberno barreirense lle permitiu a esta empresa o que prohibe ás veciñas e veciños. “Todos os días, día tras día, os residuos retirados das praias como caixas de plástico grandes, redes ou madeiras eran depositados a carón dos contedores do lixo e, despois, pasaban recollerse con un camión do Concello”, aseguran.
“Este modo de actuar, non se lles permite ás veciñas e veciños que son advertidos reiteradamente desde a Alcaldía de que se depositan residuos non permitidos nos contedores non serán recollidos. Incluso se teñen enviado comunicados á prensa nos que Alfonso Fuente aseguraba que os problemas na recollida do lixo viñan motivados porque a xente depositaba os residuos inadecuados nos contedores”, relata Ana Ermida.
Para o grupo nacionalista “este xeito de actuar, ademais de discriminatorio e inxusto, demostra que o goberno municipal, unha vez máis, incumpre –ou deixa incumprir- as súas propias normas cando lle interesa e con quen lle interesa, facendo que no Concello de Barreiros non exista ningún tipo de norma mínima de convivencia que poida facerse cumprir, xa que son os primeiros incumpridores”, conclúen.
O BNG sinala que o Goberno municipal de Barreiros descoñece canto vai pagar polos traballos de limpeza con maquinaria realizados nas praias
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
