Santiago de Compostela, 13 de setembro de 17. O portavoz do Grupo Socialista, Xoaquín Fernández Leiceaga, reclamoulle hoxe a Feijóo que “volva á casilla de saída” e retire o anteproxecto de reforma da Lei de Saúde concibido para reducir servizos. O responsable socialista dedicou a sesión de control ao presidente no Pleno de hoxe para cuestionar unha reforma que “só beneficia á sanidade privada”.
Leiceaga alertou da “contestación social inusitada” que está a provocar unha reforma dirixida a limitar a participación dos pacientes na xestión dos servizos sanitarios e “sobre todo pola eliminación das áreas sanitarias do Salnés, A Mariña, Lemos e a comarca de Valdeorras”. En definitiva, consolidar unha sanidade “de primeira”, en torno aos grandes hospitais, e un servizo “de segunda” que lles retira servizos aos que viven máis afastados.
Reclamou así que “retire o Anteproxecto de Lei e reforce os hospitais comarcais para evitar favorecer o avance da sanidade privada” e recomendoulle que “lle faga caso aos alcaldes, ao persoal sanitario que se está a concentrar nas porta dos centros, fágalle caso á cidadanía –apostillou- e acertará”.
O portavoz socialista cuestionou “o fondo e a forma” desta reforma que “non estaba prevista no programa nin no discurso de investidura” de Feijóo e que a pesares de ter sido presentada en plenas vacacións, suscitou 2.000 alegacións. Un síntoma, explicou, de que “a sanidade preocupa a tódolos galegos e galegas, que advirten un risco serio de redución de servizos sanitarios”.
No fondo, continuou, supón a eliminación de catro áreas sanitarias, continuando a redución de autonomía funcional e orgánica que comezou coa creación das Eoxis para unhas áreas que carecen de “arredor de 40” especialidades sanitarias. O goberno, dixo, provoca “desequilibros que só se explican porque hai un plan para reducir progresivamente as especialidades” ofrecidas nestes centros.
Preguntou “por qué Valdeorras ou Salnés teñen cardioloxía 1 ou 2 días á semana pero non na Mariña ou Monforte, por qué non dotan os servizos con máis persoal, por qué hai servizo de endocrinoloxía ou nefroloxía en todos menos no Hospital da Costa. Advertiu ademais que incluso a ampliación do Hospital do Salnés con fondos comunitarios supón “unha forma de despilfarro” ao ampliar Urxencias sen dotalo de persoal necesario.
Sanidade peor valorada
Fernández Leiceaga apuntou que a propia proposta de reforma sinala as intencións do goberno ao substituír o obxectivo de atender ás necesidades sanitarias da poboación fixado na Lei en 2008 pola “óptima utilización dos recursos dispoñibles”. Advertiu que grazas á xestión de Feijóo Galicia é hoxe a terceira autonomía coa sanidade peor valorada, só por diante claramente de Canarias.
Reclamoulle ao presidente da Xunta que atenda á demanda social, e apuntou que de acordo co CIS de 2016, 4 de cada 5 persoas consultadas piden cambios de fondo na sanidade, reforzando o seu carácter público, reducindo as listas de espera e aumentando servizos.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
