Mondoñedo, 14 de outubro de 2017 .- A alcaldesa de Mondoñedo, Elena Candia, participou esta mañá na inauguración das IV Xornadas de Protección Civil da Provincia de Lugo, que se están a desenvolver durante o día de hoxe na cidade, e durante a que Candia agradeceu “o compromiso desinteresado e a xenerosidade que amosan os voluntarios deste dispositivo á hora de formarse para coidar aos demais”.
Durante a súa intervención, a alcaldesa destacou o traballo e entrega de Protección Civil tanto en actividades de seguridade cidadá como no que respecta á colaboración que demostran nas iniciativas culturais e deportivas. E neste mesmo senso, gabou o labor da agrupación que de xeito “discreto, altruísta e desinteresado” colaboran co resto dos equipos e forzas de emerxencias para traballar “por e para os cidadáns”.
Estas xornadas, organizadas pola Federación Lucense de Protección Civil, en colaboración coa Xunta de Galicia e co Concello de Mondoñedo, teñen como un dos seus obxectivos principais o de formar aos voluntarios para mellorar a seguridade nun dos recursos estrela de Mondoñedo, a Cova do Rei Cintolo. Nela están a participan uns 140 voluntarios deste dispositivo.
Pola súa banda, o presidente de Protección Civil de Mondoñedo, José Otero Rejes, fixo balance da actividade levada a cabo no ámbito local e explicou que o dispositivo mindoniense participou en preto de 400 operativos e retirou máis de 380 niños da vespa velutina.
IV Xornadas de Protección Civil de Lugo
As IV Xornadas de Protección Civil de Lugo inauguráronse ás nove a cargo do presidente da Federación de Agrupacións de Voluntarios de Protección Civil da provincia de Lugo, José Franco Criado; da alcaldesa de Mondoñedo, Elena Candia e do xefe territorial, J. Manuel Rozas Bello.
Estas xornadas desenvólvense durante todo o día ao redor dun programa, que pola mañá incluíu tres relatorios. O primeiro deles, centrado na xeografía e na historia da Cova do Rei Cintolo e moderado polo presidente da Federación, contou coa intervención do presidente da Protección Civil de Mondoñedo, José Otero Rejes, e do arqueólogo municipal, Abel Vigo. O segundo relatorio tratou sobre o protocolo de acceso e intervención de rescate no interior da cova, coa participación do presidente da Asociación de Bombeiros de Galicia, Miguel A. Pazos Veiga. O terceiro relatorio veu da man do xerente do proxecto Isocrona (aplicación móbil pioneira que localiza as vivendas onde haxa urxencias), Juan Carlos Castro.
Na clausura da xornada, ás 12:45 horas, estiveron o vicepresidente da Xunta, Alfonso Rueda, o director xeral de Emerxencias, Luís Menor e máis o delegado territorial da Xunta en Lugo, José Manuel Balseiro.
As prácticas que se desenvolveron pola mañá (13:15-14:15 horas), consistiron nun simulacro de rescate en altura na Catedral á cargo do Gera de Galicia (Grupo de Rescate en Altura). En concreto, realizaron un descenso en tirolina cun ferido en camilla de rescate. E tras a comida de confraternidade que se celebrou no mesón de Alberto; pola tarde está a ter lugar unha visita técnica á cova, guiada polo arqueólogo municipal, a través da que se coñecen os protocolos de visitas, o sistema de rescate e as medidas de seguridade establecidas para os visitantes autorizados polo Concello de Mondoñedo. Esta visita está reservada para dous grupos de quince voluntarios cada un, con preferencia aos voluntarios máis distantes.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
