Cervo, 30 de outubro de 2017.- A edil de medio ambiente do Concello de Cervo, Manuela Méndez, vén de anunciar que se abriu o prazo para sumarse ao pedido conxunto de árbores froiteiras que se tramita dende o propio consistorio dende hai varios anos “e que supón un aforro importante para aqueles veciños que desexen adquirir exemplares”.
Dende o Concello, pois, “animamos a todos os nosos veciños a que revitalicen as súas fincas coa plantación deste tipo de árbores, para que así sexan cada vez máis produtivas”.
Méndez apuntou “que a concienciación ambiental ocupa unha posición preeminente na nosa filosofía de traballo, e por elo poñemos especial énfase en iniciativas coma esta, que van en comunión con medio; e que redundan en beneficio dos cervenses e da súa calidade de vida”.
A edil recordou así mesmo que hai en marcha diferentes iniciativas nesta liña como é a reforestación dos montes municipais con árbores autóctonas, ou a entrega de composteiros de balde aos nosos veciños, entre outras.
Os interesados poden descargar os impresos na propia páxina web do Concello (www.concellodecervo.es) ou ben recollelos no rexistro xeral.
Hai dispoñibles máis de 30 especies diferentes de árbores froiteiras e os interesados teñen ata o 29 de decembro para sumarse ao pedido.
O Concello de Cervo anima aos veciños a revitalizar as súas fincas coa plantación de árbores froiteiras
Relacionado
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
