Lugo, 29 de novembro de 2017.- A Xunta de Galicia dispón neste momento de 55 vivendas de promoción pública dispoñibles na provincia de Lugo. Son propiedade do Instituto Galego da Vivenda e Solo (IGVS), que depende da Consellería de Infraestruturas e Vivenda, e están distribuídas en 11 concellos que abranguen a práctica totalidade das comarcas.
O delegado territorial da Xunta, José Manuel Balseiro, sinalou que as persoas interesadas poden inscribirse en calquera momento no Rexistro Único de Demandantes de Vivenda da Xunta de Galicia, que é o requisito indispensable para participar nos procesos de adxudicación.
En base a este rexistro, a comisión de Vivenda elabora cada ano -no mes de xaneiro- os listados de segundas transmisións ou reservas para os distintos concellos, mediante sorteo ante notario entre os inscritos.
Balseiro subliñou que os procedementos de adxudicación “non se deteñen, e tan pronto como unha vivenda queda baleira e está en condicións de ser novamente habitada, iníciase o procedemento de readxudicación a outro inquilino”.
Ante a proximidade das datas do sorteo do que sairán os novos listados, o delegado insta a todas as persoas interesadas a inscribirse no Rexistro Único, dado que hai casos en que xa se esgotou a lista de reserva de demandantes.
Así, neste momento non hai lista de espera para algunhas promocións de vivendas en Becerreá, Chantada, Lourenzá, Vilalba e no casco histórico de Viveiro, así como para unha vivenda adaptada para persoas con problemas de mobilidade en Lugo.
Os outros municipios nos que hai vivendas dispoñibles son Cervo, Cospeito, Mondoñedo, Monforte de Lemos e O Incio. Nestes casos, continúan os procesos de chamamento de adxudicatarios en función dos listados de reservas.
“A Xunta esfórzase para que o proceso para acceder a unha vivenda de promoción pública sexa áxil e sinxelo, transparente e con todas as garantías para os demandantes, co único obxectivo de facilitar un fogar ás persoas que o precisan”, afirmou Balseiro.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
