O Valadouro, 26 de decembro de 2017.- A Consellería do Medio Rural completou as obras que viña executando nos últimos meses na rede de camiños secundarios da área de reestruturación parcelaria de Frexulfe, no Valadouro, co que remata todos os traballos que estaban previstos na zona.
O delegado territorial de Lugo, José Manuel Balseiro, subliñou que no proceso só restan os trámites administrativos conducentes á entrega dos títulos de propiedade, se ben son laboriosos dado que requiren a revisión íntegra da área.
A concentración beneficia a 180 propietarios e desprégase sobre 118 hectáreas de superficie. Foi preciso construír unha rede de camiños -principais e secundarios- de máis de 8 quilómetros de extensión, 5,4 deles asfaltados e o resto en zahorra. O investimento total alcanza case os 551.000 euros.
Antes de propoñer a reestruturación coexistían nesta área 959 parcelas cunha superficie media de 1.226 metros cadrados, e do proceso resultan 312 fincas cunha superficie media de 3.585 metros cadrados. Isto é, redúcese practicamente á terceira parte o número de fincas pero estas triplican a súa extensión, “co que serán máis doadas de traballar, máis produtivas e máis rendibles para os seus propietarios, xa que permiten abaratar os custos”, apuntou Balseiro.
O delegado puxo de manifesto que “a reestruturación parcelaria redunda nun mellor aproveitamento das terras, e resulta fundamental para que o rural galego sexa unha opción de futuro atractiva para unha mocidade que quere desenvolver proxectos ambiciosos relacionados co sector agrario, gandeiro ou forestal”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
