Lugo, 20 de decembro de 2017.- Mañá xoves 21 de decembro, coincidindo co inicio das vacacións escolares de Nadal a Consellería de Infraestruturas e Vivenda porá en marcha o sistema piloto de “Transporte á Demanda”, un paso máis cara adiante no proceso de modernización do Plan de transporte público de Galicia.
O delegado territorial da Xunta en Lugo, José Manuel Balseiro, explicou que durante este tempo parte dos servizos actuais de transporte compartido (escolar + adultos) pasarán a prestarse baixo demanda, polo que o usuario interesado terá que contactar cunha central de chamadas para reservar previamente a súa praza no autobús.
Ademais, para facilitar todo este proceso, as persoas usuarias disporán dun número de teléfono fixo ao que se dirixir, o 988 68 78 00. A Xunta quixo centralizar nun só número un servizo que na actualidade se xestionaba a través dos teléfonos das diferentes compañías de transporte.
O novo sistema está dispoñible desde as 8.00 ata as 20.00 horas, de luns a venres laborais. Con esta franxa temporal dáse cobertura ás potenciais solicitudes. A reserva de praza para un determinado día poderanse pedir, polo tanto, ata as 20.00 horas do día anterior.
A Xunta ten distribuído información precisa sobre a posta en marcha deste novo sistema a todos os concellos afectados e ás diferentes compañías de transporte, que teñen a obriga de divulgar de forma correcta a información relativa aos servizos que prestan.
Provincia de Lugo
Balseiro avanzou que, no caso concreto da provincia de Lugo, serán 27 os concellos nos que se ofrecerá o sistema de “Transporte á demanda” este Nadal, o que representan 47 liñas diferentes. En total, serán 140 paradas distribuídas por toda a xeografía lucense, de norte a sur.
Ademais toda a información relativa aos servizos que funcionarán baixo demanda estará dispoñible a partir do xoves que vén a través da páxina web www.bus.gal.
Cómpre salientar tamén que o custe do servizo de transporte para a persoa usuaria non se verá incrementado pola utilización do sistema de petición, abonando as tarifas xerais do servizo de transporte.
Características do novo sistema de transporte
A través do número 988 68 78 00 ofrecerase unha atención telefónica personalizada, mediante axentes que coñecerán o sistema de transporte e guiarán ás persoas usuarias no proceso de realización da súa petición.
Neste sentido, prevese que a persoa usuaria, logo de se identificar, indique o concello e parada de orixe e o concello e parada de destino, e o operador informaralle dos horarios e servizos dispoñibles para a data na que pretenda viaxar. Nunha mesma chamada poderanse reservar varios servizos, ou prazas neles para máis dunha persoa.
As peticións de servizo serán rexistradas polo operador, coa incorporación de datos básicos para a identificación do solicitante ao que se lle indicará un código coa súa reserva. Esta reserva poderá ser anulada, igualmente, ata as 20.00 horas do día anterior ao da realización da viaxe.
O sistema reportará ás empresas de transporte tanto as reservas ou as súas anulacións segundo se vaian realizando e, pouco despois das 20.00 horas, o conxunto de peticións formuladas para o día seguinte, estando obrigadas estas a atender as demandas de transporte comunicadas
Aplicación móbil e a través de internet
Unha vez posto en marcha o modelo inicial, e tamén coa análise do mesmo, se introducirán progresivamente novas funcionalidades complementarias, dirixidas a facilitar que tanto a obtención de información xeral do sistema de transporte, a busca de servizos dispoñibles, e a petición de praza en servizos ou paradas baixo demanda, se realicen de xeito sinxelo dende o móbil ou o ordenador. Igualmente, permitirase un mellor seguimento das mesmas por parte das empresas que prestan os servizos e a verificación da súa correcta atención por parte da Administración.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
