Mondoñedo, 30 de decembro de 2017.- O Goberno local informa que dende o Concello de Mondoñedo propúxose a adecuación das estradas de Figueiras, Estelo e Vilamor, de titularidade da Deputación de Lugo, dentro do Plan de Rehabilitación de Firmes de Vías Provinciais.
O Concello expón a necesidade de aglomerar a estrada provincial LU-P 3106 ao seu paso polo núcleo de Estelo, exactamente, dende o inicio do termo municipal de Mondoñedo ata a altura da igrexa. Este treito, de aproximadamente un quilómetro, presenta problemas no firme, con pozas acumuladas de auga, sendo necesario realizar obras de mantemento nas cunetas e nas canalizacións. No que respecta á LU-P 3108, que comunica a parroquia de Figueiras con Mondoñedo, O Concello demanda que se aglomeren os treitos q faltan por acondicionar; e na LU-P 3105, en Vilamor, tamén se propón o arranxo da vía entre os quilómetros 0 e 1.
O esforzo inversor da Xunta
A alcaldesa de Mondoñedo, Elena Candia, defende a necesidade destas actuacións en vías provinciais e engade que estas obras, xunto ao investimento que se está a realizar na LU-124 entre Lindín e Cruz da Cancela ou na LU-160, estrada que une Mondoñedo e Ferreira do Valadouro, permiten garantir nun bo estado as principais vías de comunicación.
Neste senso, a rexedora quixo poñer en valor o esforzo da Xunta de Galicia nas infraestruturas mindonienses e concretamente na LU-124, á que leva dirixido máis de 2,5 millóns de euros nas diferentes actuacións entre o enlace coa A-8 e Mondoñedo, na Avenida de Bos Aires e agora no treito ata Cruz da Cancela. Así, tamén destacou os traballos na LU-160, en Mondoñedo.
Compromiso do PP
A rexedora explica que á raíz dunha iniciativa aprobada na Deputación polo PP, na que se solicitaba un maior investimento nas estradas provinciais; sacouse adiante un plan no que a distribución das cantidades dirixidas ás estradas de cada concello se rexe por criterios obxectivos. En concreto, para as estradas provinciais de Mondoñedo, o Plan de Rehabilitación de Firmes 2017-2019 inclúe un investimento superior aos 200.00 euros.
A alcaldesa engade que unha vez aprobado este plan o Concello foi o encargado de elixir as estradas sobre as que actuar, unha proposta que “nace da demanda e das necesidades que nos transmitiron os veciños nas diferentes reunións mantidas” e, agora, están a elaborar os correspondentes proxectos.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
