Ribadeo, 23 de xaneiro de 2018. A concelleira de Turismo, Ana Martínez, fai un balance moi positivo da presenza de Ribadeo en Fitur. A edil subliña que foi unha feira máis dinámica que en edicións anteriores e na que se bateron récords de asistencia. Ana Martínez considera moi importante o traballo realizado pola delegación ribadense desprazada a Madrid.
A responsable de Turismo no Concello de Ribadeo manifestou que “a verdade é que puidemos constatar á hora de reunirnos con diferentes axentes do sector que realmente este ano a feira estaba como máis dinámica, con máis actividade dentro do que é o movemento comercial. Vendo agora os resultados, que se deron durante a fin de semana na televisión, puidemos comprobar que de novo se bateron récords de visitantes tanto a nivel profesional como de visitantes nas horas de apertura a todo o público”.
Ana Martínez declarou que “neste marco onde o turismo internacional é fundamental, onde se reúnen a nivel mundial practicamente todos os países do mundo, precisamente neste marco é onde tratamos de buscar un espazo diferenciador para Ribadeo. Para iso nos reunimos e este ano fixémolo fundamentalmente centrados no turismo internacional. De feito nos últimos datos que demos de turismo, o 12% do turismo que nos visita xa en Ribadeo é internacional”.
A concelleira ribadense salientou que “este ano levábamos o traballo feito para reunirnos con turoperadores internacionais, e pensamos que a mellor maneira de buscar esa desestacionalización que queremos para Ribadeo era buscalo dentro da proximidade. De feito as reunións centráronse co turismo próximo como pode ser Portugal, Francia e a vinculación tamén co mundo anglosaxón, con Inglaterra. Son veciños e todos teñen un pouco a posibilidade de facer escapadas fora de tempada, e creo que era algo que levábamos moi centrado. Unha das reunións principais que tivemos foi coa empresa que xestiona os ferrys que chegan a Bilbao e a Santander dende Francia e Inglaterra. Apostamos por presentar a proximidade aos turoperadores e creo que foi algo que calou bastante ben. Os turoperadores portugueses comentáronos que a diario están mobilizando grupos cara a Santiago de Compostela, e unhas das propostas que nós levábamos era que puidesen incluír nesas rutas diarias que fan a Santiago, a visita á segunda catedral diferente e ademais que marca algo que non poden atopar noutro lado que é unha catedral natural como esta praia das Catedrais que temos en Ribadeo”.
Ana Martínez dixo que “tamén somos conscientes que non soamente en Fitur se traballa o sector de hoteis e de gastronomía, senón que se activa unha economía local vinculada a este mundo do turismo, pero desde logo tocamos moitos outros sectores. Canta máis xente veña máis posibilidade hai de gasto no comercio local, consumo de produtos da zona, mesmo o combustible que se utiliza para os coches e os empregos que se poden xerar arredor dese sector servizos. O que quero dicir é que en Fitur non soamente presentamos o sector hostaleiro senón que levamos toda a oferta de servizos que ten a disposición Ribadeo, para que ese viaxeiro ademais de estar aloxado nun magnífico hotel, como pode ser calquera dos que atope en Ribadeo, e ademais de disfrutar dunha excelente gastronomía, saiba que temos un comercio de calidade que abre todos os días, incluídos os domingos. Con isto vir pasar unha fin de semana a Ribadeo ademais de disfrutar tamén significa mercar, e desde logo que é unha vila con actividade cultural e de ocio practicamente diaria. Ofertamos dinamismo e vida durante toda a semana”.
A concelleira de Turismo lembrou que “nos acordábamos falando este ano en Fitur cunha empresa que nas primeiras feiras que fomos a Valladolid, haberá xa cinco anos, non facía ningunha ruta a Ribadeo, de feito non o tiña nin considerado nos seus catálogos e era unha empresa galega. Agora sei que hai semanas que trae cinco autobuses, entón eu creo que este é un traballo importante”.
Ana Martínez engadiu que “agora nos queda a segunda parte que é facer o seguimento de todos estes contactos para que se materialicen nos próximos catálogos e nas próximas ofertas dos turoperadores e que isto teña, desde logo o máis importante que é o que buscamos en Fitur, unha repercusión económica para o noso comercio e por extensión, aínda que traballamos directamente Ribadeo, creo que isto repercute para toda A Mariña”.
A concelleira de turismo fixo un balance moi positivo da presencia de Ribadeo en Fitur. Ana Martínez agarda que as reunións e os contactos feitos se plasmen nos catálogos e nas vindeiras ofertas dos turoperadores e que repercutan tanto en Ribadeo como na Mariña
Relacionado
-
Viveiro impulsa a creación dunha unidade de atención temperá conxuntamente con Ourol e O Vicedo
-
As Festas do Oito ofrecerán gastronomía, música e actividades infantís do 4 ao 7 de setembro no Valadouro
-
Augas de Galicia instala 12 paneis para alertar do risco de inundación no río Masma ao seu paso por Mondoñedo
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
