Viveiro 18-1-18. O vindeiro luns, 22 de xaneiro de 2017, comezarán as obras de pavimentación e servizos na rúa Rego da Fonte, en Celeiro. O proxecto destas obras contempla a actuación integral no devandito vial que cos seus 175 metros de longo discorre dende a Iglexa parroquial ata a rúa Lavandeiras. Ademais o proxecto contempla a actuación en 30 metros doutro vial que acomete de forma perpendicular a este e denominado Camiño da Fonte.
As obras que se van a levar a cabo consisten en:
•Reposición da rede de evacuación de augas residuais.
•Reposición da rede de pluviais.
•Aumento da sección da rede de subministro de auga potable, e así garantir o bo servizo da instalación.
•Dotación da canalización para soterrar a instalación de telefonía, e así liberar as fachadas de cableado grampado, así como os cruces e interseccións de viais.
•Dotación da canalización para soterrar a instalación eléctrica que discorre polas fachadas ao igual que a de telefonía.
O cableado tanto de telefonía como o eléctrico, ademais de desmellorar a imaxe global do entorno, cruzan a rúa, e en determinadas zonas está demasiado baixo, o que ocasiona en determinados puntos certos impedimentos para a circulación de vehículos de gran porte.
•Demolición do pavimento actual formado por soleira de formigón.
•Reposición do pavimento diferenciando a zona peonil da de tráfico rodado.
– A zona de tránsito peonil desenvolverase con plaqueta hidráulica de formato 30×60 cm sobre soleira de formigón armado de 15 cm de espesor.
– A zona de tráfico rodado desenvolverase con soleira de formigón armado de 20 cm de espesor
•Dotar de mobiliario urbano mediante a disposición de papeleiras.
Estas obras, cun orzamento de contrata de 190.000 euros, son subvencionadas pola Deputación de Lugo a través do Plan Único 2017.
Con motivo destes traballos, a partir do luns e durante o tempo de duración da obra, cortarase o tráfico da Rego da Fonte; o corte realizarse de forma progresiva segundo vaian avanzando as obras ao longo da rúa.
O corte de tráfico realizarase dende a Igrexa cara abaixo e nos primeiros días está previsto que a rúa permaneza cortada ata a altura da Fonte, aumentando o tramo cortado ao tráfico segundo vaia avanzando a obra.
Durante a execución das obras, os residentes poderán acceder aos garaxes situados antes do punto no que se estea a executar a obra nese momento, debendo acceder en sentido contrario ao estipulado e extremando as precaucións ante a posible presenza de maquinaria de obras. Así mesmo, durante a execución das obras queda prohibido o estacionamento nesta rúa.
Dende o Concello de Viveiro pídense desculpas polas molestias que se poidan ocasionar, indicando que a Policía Local estará a disposición dos afectados informando de calquera cuestión relacionada co corte de tráfico referido.
ÚLTIMA HORA
- Como é tradicional, as festas de San Ramón e Santa María de Vilalba acolleron na súa derradeira xornada o tradicional Día das Parroquias
- Desde este luns e ata o venres, 18 de setembro, ambos incluídos, permanecerá cortado ao tráfico un treito da estrada provincial LU-P-2604 debido ao inicio dos traballos de fresado e posterior aglomerado e quente na vía, que comunica Xove con Valcarría
- O deputado Daniel García achegouse ao festival Osa do Mar de Burela, que se celebrou este fin de semana en Burela e que conta un ano máis coa colaboración da Vicepresidencia da Deputación
- O PP volve esixir ao Goberno que acelere o sistema láser do Fiouco e amplíe as balizas antinéboa
- Como é tradicional, as festas de San Ramón e Santa María de Vilalba acolleron na súa derradeira xornada o tradicional Día das Parroquias
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural. - Desde este luns e ata o venres, 18 de setembro, ambos incluídos, permanecerá cortado ao tráfico un treito da estrada provincial LU-P-2604 debido ao inicio dos traballos de fresado e posterior aglomerado e quente na vía, que comunica Xove con Valcarría
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros. - O deputado Daniel García achegouse ao festival Osa do Mar de Burela, que se celebrou este fin de semana en Burela e que conta un ano máis coa colaboración da Vicepresidencia da Deputación
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar. - Acisa colabora un ano máis coa comisión organizadora das festas patronais de Ribadeo
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón. - O deputado de Medio Ambiente e alcalde da Fonsagrada, Carlos López López, participou no L Concurso-Exposición de gando vacún da localidade, onde a Deputación de Lugo levou catro xovencas da Granxa Gayoso Castro que se venderon por unha media de 3.475 euros
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA. - O documental Basal, un docu-disco escrito e dirixido por A Pedreira e realizado por Óscar Górriz, presentarase o xoves 10 de setembro ás 20:30 horas na Casa da Cultura de Foz
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco. - O Deputado de Formación, Ensino e Economía do Coñecemento, Miguel Fernández, e o delegado do Goberno en Galicia, Pedro Blanco, participaron este venres xunto ao Alcalde do Concello de Meira, Antonio de Dios, na Xuntanza dos Maiores, que se celebrou ao longo de toda a xornada neste municipio
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
2021 Crónica 3 A Mariña - Implementado por GaliciaDigital