Mondoñedo, 25 de xaneiro do 2018. -VOLTA A ESPAÑA-
Os nacionalistas pregúntanse se o evento vai ser rendible para o concello. Preguntarán polo custe que lle vai supoñer ás arcas municipais o feito de acoller a saída da etapa 12 da “Vuelta a España 2018” e se o concello ten feita algunha estimación dos ingresos que se poden xerar na cidade con motivo da proba ciclista.
-O BNG PREOCÚPANSE POLA SEGURIDADE DOS ACCESOS AO PARQUE BIOSAUDABLE SITUADO NUN DOS LATERAIS DO CEMITERIO VELLO-
Piden que se garanta a seguridade dos peóns que pasean pola zona xa que as baldosas están moi esvaradías e a varanda da rampla que comunica a parte alta do cemiterio e o parque encóntrase solta por culpa da corrosión producida polo paso do tempo.
Ao voceiro nacionalista, Eloi Cabanas, resúltalle sorprendente que case dúas semanas despois de producirse un accidente que provocou lesións graves a unha persoa que asistía ao acto de homenaxe a tres represariados da Guerra Civil o concello non foi capaz de tomar ningunha medida para sinalizar ou cortar o paso na zona, mentres non se corrixe a situación, e cualifica ao goberno municipal de “temerario e irresponsable” por ter o acceso nesas condicións.
-EXCREMENTOS DE CANS NAS RÚAS DA CIDADE-
O BNG trasladará no pleno o malestar que xera a veciños e veciñas a presenza de excrementos de cans na vía pública e que afecta a moitos puntos da cidade.
Piden máis vixilancia policial así como unha campaña de concienciación dirixida aos propietarios dos cans para que recollan os excrementos do chan.
Para o BNG a limpeza da cidade non é o punto forte do goberno de Elena Candia.
“O concello foi incluído na Rede de “Pueblos bonitos de España” pero no que se refire á limpeza o premio vasoira de prata, ouro ou platino, que destaca a concellos pola súa limpeza urbana, vai ser imposible, ironizan”.
-MELLORAS NO ALUMEADO PÚBLICO-
O BNG tamén propón melloras no alumeado público no treito que vai desde a Residencia de Anciáns e o Centro de Día ata o aparcadoiro que hai na travesía xa que a pouca iluminación da zona dificulta a visibilidade e provoca inseguridade nos viandantes.
“Polas tardes non se pode aparcar na alameda e moitos usuarios, acompañantes e traballadores do Centro de Día, o PAC ou do Hospital de San Pablo que deixan o coche estacionado no aparcadoiro na travesía protestan pola mala iluminación pública que presenta o tramo”.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
