Mondoñedo,29 de xaneiro do 2018. O Grupo Municipal do BNG no concello de Mondoñedo votou en contra, no pleno celebrado o pasado venres, da proposta do goberno municipal de Elena Candia para a aceptación da cesión gratuíta dos terreos sitos en San Lázaro para a execución das obras de urbanización a cargo do Plan Único.
O GRUPO DO BNG NO CONCELLO DE MONDOÑEDO MANIFESTA:
1. A falta dun informe xurídico que nos contradiga e que debería ir incluído no expediente canda a documentación do pleno que se nos entregou, entendemos que o que debe urbanizar estes terreos privados segundo a Lei do Solo de Galicia é o propietario do inmoble e non o concello.
2. Para o BNG as obras non atenden a un interese xeral se non que a un interese privado e particular xa que as obras de urbanización cínguense só ao perímetro da parcela propiedade de Hipólito, S.L.
3. A intervención na beirarrúa LU-160 ao paso polo centro de San Lázaro para crear beirarrúas máis amplas non nos parece unha obra prioritaria. No concello hai beirarrúas en moito peor estado e con máis necesidade de ser arranxadas que esta.
4. O goberno municipal di que quere mellorar o entorno porque os terreos que se ceden presentan un estado de degradación e abandono importante. A nós tampouco nos vale esta xustificación porque a responsabilidade de manter en boas condicións a parcela por razóns de ornato público é o propietario dos terreos e non o concello.
Por todas estas razóns e máis porque non estamos de acordo en que se invista diñeiro público en intereses privados, os concelleiros do Grupo Municipal do BNG votamos en contra da cesión gratuíta destes terreos.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
