Lugo, 2 de xaneiro de 2018. O Boletín Oficial da Provincia publica este martes os 201 novos postos de traballo para lucenses no paro en todos os sectores, que xera na provincia o Goberno da Deputación co Ben Empregado IV, máis social. Faino concedendo a autónomos, PEMES e colectivos lucenses axudas (que son de concorrencia competitiva e polo tanto ás que puideron concorrer todos os interesados) dun total de 2,4 millóns de euros. O BOP tamén recolle hoxe a listaxe completa de entidades e asociacións que resultaron beneficiadas de ditas subvencións.
Con ditos fondos, o Executivo Provincial financia durante un ano os custos laborais dos novos traballadores (que serán todos lucenses actualmente en situación de desemprego) que demandan e requiren entidades e asociacións da provincia para poder reforzar a súa actividade. Faino en diferentes porcentaxes, atenden ao nivel de compromiso social dentro da súa aposta por unha Deputación social e coas persoas.
Deste xeito, e tendo en conta as peticións dos solicitantes que resultaron beneficiados do Ben Empregado IV, o Goberno da Deputación financia ao 100% os custos laborais de 60 lucenses, hoxe no paro, con capacidades diferentes ou en risco de exclusión social (estes retomarán a súa andaina profesional en establecementos de autónomos e PEMES da provincia), así como dos que se inserten laboralmente en colectivos sociais. Ao 50% a doutros 141 veciños, actualmente desempregados, que comezarán a traballar en negocios na provincia de empresarios lucenses.
Publicada hoxe a listaxe de 201 autónomos, PEMES e colectivos sociais beneficiados, así como os 201 perfís laborais que demandan, nas vindeiras semanas (este mes de xaneiro) abrirase o prazo de solicitude destes novos postos de traballo na provincia aos que poden concorren exclusivamente lucenses en situación de desemprego.
Beneficiados por liñas de financiamento
O Goberno da Deputación ofrece o 100% da axuda aos autónomos e PEMES da provincia que decidisen contratar persoas con capacidades diferentes ou en risco de exclusión laboral (por exemplo, veciños con problemas físicos ou psíquicos, de etnia xitana, mulleres vítimas de violencia de xénero, ex-reclusos, ex-drogodepentes…). Son 20 as empresas que solicitaron esta liña e resultaron beneficiadas. Contratarán a 20 lucenses desempregados e en dita situación. Consulta os perfís laborais: http://benempregado.deputacionlugo.org/docs/Ben%20Empregado%204/Ultimas%20novas/003%20-LINEA%201B%20-LISTADO%20DEFINITIVO%20DE%20ENTIDADES%20BENEFICIARIAS.pdf
O Executivo Provincial ofrece o 50% da axuda aos autónomos e PEMES da provincia que decidisen contratar a lucenses actualmente no paro en xeral. 141 entidades optaron por esta liña de financiamento e contratarán a outros 141 veciños da provincia en situación de desemprego. Consulta os perfís laborais: http://benempregado.deputacionlugo.org/docs/Ben%20Empregado%204/Ultimas%20novas/002%20-LINEA%201A%20-LISTADO%20DEFINITIVO%20DE%20ENTIDADES%20BENEFICIARIAS.pdf
A outra liña de financiamento está dirixida exclusivamente a colectivos sociais da provincia, aos que se lles ofrece o 100% da axuda para reforzar a súa actividade social con novo persoal que, como en todos os caso, tamén serán veciños hoxe no paro. Son 40 asociacións as que resultaron beneficiadas e polo tanto poderán contratar a 40 novos traballadores. Consulta os perfís laborais: http://benempregado.deputacionlugo.org/docs/Ben%20Empregado%204/Ultimas%20novas/004%20-LINEA%202%20-%20LISTADO%20DEFINITIVO%20DE%20ENTIDADES%20BENEFICIARIAS.pdf
Perfís en todos os sectores
O Goberno da Deputación ofrece a lucenses no paro un total 201 novos empregos na provincia en todos os sectores (poden consultalos nas anteriores ligazóns). Por exemplo: auxiliar administrativo, cociñeiro, recepcionista, axente comercial, albanel, técnico de xestión medioambiental, electricista, dependente comercio, axudante de cociña, consultor enerxético, profesor de autoescuela, carpinteiro, repartidor, delineante, condutor de maquinaria, camareiro, monitor de tempo libre, panadeiro, pintor; camioneiro, soldador, creativo audiovisual, técnico agrícola, perruqueiro, fisioterapeuta, peón para fabricación de queixos, peón en limpeza, profesor de Taekwondo, especialista en rehabilitación de pedra granítica, condutor autobús, esteticista, auxiliar de xeriatría, fotografo, persoal de atención de albergue, técnico superior en administración de sistemas informáticos, dependente carnicería, axente comercial de seguros, dependente en tenda produtos ecolóxicos, pedagogo, axente de viaxe e administración, educador, peón de xardinaría, aparellador, fontaneiro, auxiliar de gardería, licenciado en dereito, modista, técnico veterinario, peón construción, psicólogo xeral sanitario, responsable de atención ao cliente, auxiliar de farmacia, mecánico vehículos industriais, graduado social, enxeñeiro técnico de obra pública, licenciado en ciencias químicas, telefonista– recepcionista, licenciado en bioloxía, técnico de emprendemento, técnico informático, técnico de atención á terceira idade, técnico superior en procesos de calidade na industria alimentaria, informador cultural…
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
