A Mariña, 21 de febreiro 2018. Desde o BNG comarcal insisten unha vez mais na marxinación que A Mariña sigue a sufrir a nivel de infraestructuras, feito evidente e constatable nestes días en que a choiva acabou por desfacer totalmente o firme da N-642 e tamén en puntos da N-634. No día de onte, na reunión do Consello Comarcal do Bng mariñao tratouse entre outros este tema que tanto preocupa e con razón cabrea á poboación.
Según o Bng, toca mobilizarse e toca actuar, diante da situación crítica das infraestruturas viarias da comarca. Nesta reunión acordaron dirixirse ao Goberno do Estado para que desde o Ministerio de Fomento se axilice ao máximo o arranxo das estradas N-642 e N-634, dada a gravidade e perigosidade que supón agora mesmo circular por elas, especialmente pola N-642.
Desde o Bng piden que se axilicen ao máximo os prazos para execución da obra de rehabilitación estructural do firme na estrada da costa, anunciada no BOE do 8 de xaneiro deste ano, obra da que vén de pecharse a semana pasada o prazo para presentación das ofertas.
“Non podemos quedarnos de brazos cruzados, nin nós, nin a cidadanía. A Mariña, a comarca que mais contribúe porcentualmente ao PIB da provincia de Lugo non se merece esto, nin pode aturar mais tempo esta inxustiza” manifestou a portavoz comarcal do Bng, Ana Ermida, quen avanzou tamén outro dos acordos que o Bng adoptou na súa reunión comarcal é demandar do Goberno do Estado o desbloqueo dos proxectos da autovía Barreiros-San Cibrao, coa correspondente consignación orzamentaria nos orzamentos do 2018, pois o tramo Barreiros-Foz ainda tén en fase de redacción o proxecto de construcción, e no tramo Foz-Burela ainda non o adxudicaron, e o Burela-San Cibrao nin siquera o licitaron. “Esto é unha auténtica tomadura de pelo”, engadíu a portavoz nacionalista, que tamén fixo fincapé no feito de que A Mariña desde o goberno central sempre foi a gran esquecida, independentemente de que foran uns ou outros os que ostentaran ese goberno.
Desde o Bng comarcal instan tamén ao Ministerio de Fomento a buscar unha solución efectiva para o problema do Fiouco, que sigue sen concretarse con ningunha alternativa catro anos despois, limitándose a concursos de ideas para os que destinaron 6 millóns de euros.
O Bng convoca a unha concentración na Xesta o sábado 24 ás 5 da tarde
Os nacionalistas acordaron realizar o próximo sábado 24 unha concentración na Xesta, perto do enlace coa A-8, no p.k. 596 da N-634, ás 5 da tarde, donde presentarán tamén ás súas demandas e propostas para dar solución aos graves problemas de infraestructuras da comarca, escollendo este lugar tamén como símbolo da desconexión coas grandes vías de comunicación que sufre esta comarca, iniciativa que partiu do Bng en Mondoñedo.
O Goberno da Xunta tamén marxina á comarca en materia de infraestructuras
Para o Bng, o Partido Popular cébase continuamente contra esta comarca, non só desde o goberno central, senón tamén desde a Xunta, pois o tema do corredor San Cibrao – Ferrol é unha indecencia, porque de 90 km só levan executado 15, e Feijóo anuncia que presentará a variante de Viveiro nos primeiros meses deste ano, cando esta obra tiña que estar remada na súa totalidade no 2013. “Unha auténtica vergoña”, dicen os nacionalistas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
