Lugo, 27 de febreiro de 2018.- O Grupo Provincial do PP lamenta a negativa do PSOE e do BNG para que a Deputación asuma a parte económica que teñen que poñer os concellos para o funcionamento dos xeodestinos; o de Lugo-Terra Chá-Sarria, o de Ancares-O Courel e os da Mariña e Ribeira Sacra. O deputado Carlos Armesto defendeu que “os xeodestinos son unha boa forma para dar a coñecer a provincia e estou convencido de que ao final acabarán facendo esa achega porque o sentido común se imporá e porque o teñen xa en orzamentos”.
“Se non se fai este ano será o ano próximo. Hoxe dinlle que NON a 67 concellos da provincia de todas as cores políticas. Dinlle que NON a seguir traballando porque unha provincia se posicione turísticamente e ao traballo que se está a facer desde moitos consorcios. Presentamos unha proposta seria e sensata e sería un xesto máis cara aos concellos e vostedes só din que NON”, censurou.
O popular asegurou que a Deputación nada fixo en once anos polos dous xeodestinos xa en activo, mentres a Xunta puxo o diñeiro para a súa creación. “Non teñen iniciativas e non son capaces de liderar”, lamentou Armesto, quen apuntou que a Deputación de Lugo conta con 100.000 euros nos orzamentos en catro partidas para destinar aos xeodestinos, “polo que poderían darlle forma e que sexan achegas para os concellos. Aos concellos que non poden entrar aí e queren pódenlle dar ese balón de osíxeno, como a mellor forma de facer provincia, reforce ese papel dos xeodestinos”, reclamou.
Armesto explicou que o impulso ao turismo “ten que vir desde os propios concellos e da iniciativa privada que forma parte deses consorcios para facer provincia e facer turismo. Cada un destes destinos ten as súas singularidades e hai que aproveitalas e así o entende a Xunta que apoia con cantidades moi importantes. Buscamos propostas de utilidade e se traballamos ben os xeodestinos funcionan. Igual que achega a Xunta para que funcionen estes xeodestinos para apoiar á provincia en xeral e aos concellos en particular”, expuxo.
Engadiu ademais que se trataría “dunha cantidade asumible para a Deputación e unha descarga para os concellos que axudaría a despegar con estes xeodestinos nesta fase inicial”. “Unha proposta construtiva de que faga turismo, faga provincia e cubra a resultante desas cantidades como mínimo nos distintos consorcios”.
Dánlle as costas aos concellos
Os populares consideraban que hai que ter en conta que unha das principais competencias das deputacións provinciais é a asistencia económica aos municipios, especialmente a aqueles de menos capacidade económica e de xestión. Así o establece a Lei 7/1985, de 2 de abril, reguladora das bases de réxime local no seu artigo 36.1.b): “A asistencia e cooperación xurídica, económica e técnica aos Municipios, especialmente os de menor capacidade económica e de xestión (…)”; e no seu artigo 36.1.d): “A cooperación no fomento do desenvolvemento económico e social e na planificación do territorio provincial, de acordo coas competencias das demais Administracións Públicas neste ámbito”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
