Burela, 22 de marzo de 2018. O Concello de Burela organiza diversas actividades para esta Semana Santa. O 29 de marzo (Xoves Santo) e o 1 de abril haberá xeorutas, e a novidade deste ano son as visitas guiadas á igrexa de Vila do Medio os días 30 e 31 de marzo. O concelleiro de Turismo, Ramiro Fernández Rey, considera que Burela será un atractivo turístico máis na Mariña ao longo dos vindeiros días.
O edil burelés anunciou que “desde o Concello de Burela vimos de facer a presentación das actividades que imos promover durante esta Semana Santa. Imos intentar que todos os días haxa actividade turística en Burela”.
Ramiro Fernández indicou que “dada esa expectativa que nos temos creado imos seguir promocionando as xeorutas de Burela. Imos facer unha xeoruta o 29 de marzo, Xoves Santo, pola zona da Marosa que vai ser de catro e media a sete e media da tarde, e outra o domingo 1 de abril pola zona xeolóxica do Perdouro das dez e media á unha e media do mediodía. A saída vai ser desde a Oficina de Turismo”.
O concelleiro de Turismo dixo que “onde se pode apuntar a xente para facer estas rutas vai ser no teléfono 982 58 60 00, que é o teléfono do Concello, e tamén van poder facelo a través do blog da xente que nos fai as rutas, que é rutasxeoloxicasdegalicia.blogspot.com”.
Fernández Rey agarda que “como ven sendo habitual estas xeorutas sexan un éxito e damos unha alternativa a toda a xente que nos visita de poder facer algo nestes días en Burela”.
O edil socialista subliñou que “este ano incorporamos un obxectivo que nos tíñamos marcado, que ata o de agora non puidéramos facer de maneira habitual, que son as visitas á igrexa de Vila do Medio. Este ano comezamos esta iniciativa que queremos continuar ao longo de todo o verán se nos é posible. Estas visitas tamén se van facer os días 30 e 31 de marzo, venres e sábado, de once a unha os dous días. Aquí non fai falta inscribirse, simplemente hai que estar alí ás once da mañá, e a guía que nos vai axudar a facer este percorrido pola igrexa de Vila do Medio explicará todo na igrexa. En todo caso se alguén quere información sobre estas visitas pode chamar ao 982 58 60 00”.
O concelleiro de Turismo declarou que “imos ter evidentemente a Oficina de Turismo aberta durante todos estes días de Semana Santa, e tamén imos ter aberto o barco museo Reina del Carmen, porque entendemos que é un dos atractivos máis importantes que temos aquí en Burela e temos que seguir traballando para potencialo”.
Ramiro Fernández engadiu que “con estas actividades que temos creadas, ademais da Semana Santa de Burela, que vai ter procesións durante todos estes días, entendemos que Burela vai ser un atractivo turístico máis dentro de toda A Mariña. As expectativas que temos son que as visitas este ano sigan medrando, e Burela siga converténdose nun referente turístico da Mariña e seguimos traballando para ilo”.
Ramiro Fernández presentou estas actividades hoxe acompañado polo alcalde, Alfredo Llano, e pola concelleira de Medio Ambiente, Noelia Mª Ben.
O Concello de Burela organiza visitas guiadas na Semana Santa á Igrexa da Vila do Medio, que conta con pinturas murais do Século XV. E volven as xeorutas da Marosa e do Perdouro
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
