Mondoñedo, 6 de marzo de 2018.- O Goberno local do Concello de Mondoñedo vén de asinar un protocolo de colaboración coa mercantil Hipólito S.L. para a cesión de terreos destinados ao adecentamento da entrada do Camiño Norte e posta en valor de infraestruturas industriais para o desenvolvemento económico da localidade. En concreto, co fin de impulsar actividades económicas en Mondoñedo, vai dispoñer de catro naves para alugar.
O Goberno local amosou o seu interese na consecución dos terreos propiedade da mercantil Hipólito S.L. co fin de acondicionalos para mellorar a entrada do Camiño Norte na cidade. A empresa accedeu a esta proposta do Concello sempre que non se prexudique a situación urbanística das parcelas da súa propiedade.
O prazo desta cesión será ata o 31 de decembro de 2022 podendo prorrogarse despois por acordo das partes. Hipólito S.L. cede ao Concello os terreos que figuran como ‘cesión de terreos para urbanizar’ duns 1.977 metros cadrados para viario público e concédelle unha carencia de renda ata o 31 de decembro de 2018.
4 naves a disposición do Concello
A alcaldesa de Mondoñedo, a popular Elena Candia, solicitoulle ademais a Hipólito S.L. a posta a disposición das catro naves construídas da súa propiedade nos terreos obxecto do convenio coa finalidade do seu arrendamento aos terceiros designados polo Concello.
O Concello de Mondoñedo limita a súa actuación a facer de intermediario na busca de futuros arrendatarios das naves, sen que, en ningún momento, poida ser responsable dos danos ou desperfectos ocasionados ou do impago das rendas por parte dos arrendatarios.
O protocolo de colaboración fai referencia ás naves número 4, 5, 6 e 7 situadas na estrada A Lorenzana s/n (Barrio San Lázaro) con uhnas superficies aproximadas de 315,90 m2, 308,10 m2, 308,10 m2 e 315,90 m2 respectivamente.
O prezo do arrendamento é de 1.600 euros ao mes (400 €/mes cada nave) para o primeiro ano de renda, de 2.000 €/mes para o segundo ano de renda, e de 2.600 €/mes para o terceiro e cuarto ano de renda.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
