Ribadeo, 16 de abril de 2018.- A Consellería de Cultura, Educación e Ordenación Universitaria contratou as obras do cerramento da pista cuberta no Colexio de Educación Infantil e Primaria Gregorio Sanz, de Ribadeo, unha obra que supera os 24.000 euros de orzamento.
O delegado territorial da Xunta en Lugo, José Manuel Balseiro, destacou a “seguridade e maior confort para os usuarios” que achegará esta actuación e explicou que a Xunta aprobou nos últimos meses proxectos por importe global de preto de 50.000 euros neste centro e no IES Dionisio Gamallo.
Polo que respecta á obra que se executará na pista cuberta, consiste na construción dun muro na zona situada ao leste, realizado con fábrica armada de bloque de formigón ata unha altura de 3 metros, coa instalación de portas e ventás de aluminio.
No mesmo colexio acometéronse recentemente varias obras eléctricas, incluíndo a substitución de parte dos tubos fluorescentes por lámpadas LED e o reforzo da liña xeral de alimentación.
Pola súa banda, no IES Dionisio Gamallo vanse substituír os canlóns e baixantes, instalando canlóns de chapa de aluminio pregado e reformando diferentes baixantes, o que que levará a anular as que actualmente discorren polo interior e colocar outras en PVC polo exterior do edificio.
Balseiro explicou que o Goberno autonómico “programa continuas obras de mellora nas instalacións educativas, realizando moitas delas durante as vacacións escolares do verán, para que os centros públicos dispoñan das mellores dotacións e de espazos axeitados para o desenvolvemento da actividade lectiva”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
