Ribadeo, 24 de abril de 2018. A sexualidade nas diferentes idades é o título da charla obradoiro que pronunciará a sexóloga Martina González o vindeiro xoves, 26 de abril, ás 20 horas no Teatro. A actividade está organizada pola Concellaría de Igualdade.
Desde o CIM sinalan que “o que aprendemos sobre sexualidade lévanos a entendela dende un modelo reprodutivo, no que hai uns pasos que seguir que culminan co coito e co orgasmo. Esta concepción entendida como a única forma ou o xeito máis gozoso de ter sexo lévanos a crenzas erróneas sobre a sexualidade das persoas adultas maiores, coma a de que todas son heterosexuais, con parella estable e coas mesmas prácticas, ou que as persoas maiores non teñen relacións sexuais a partires dunha idade. Mitos coma que as mulleres coa idade teñen menos desexo, e o medo e a vergoña a falar deste tema, dificultan a vivencia positiva e satisfactoria. Como o coñecemento é poder, esta actividade pretende achegar recursos para desaprender o que nos contaron que nos tiña que pasar e gustar, e aprender a pensar no que nos gusta e nos vai ven”.
Os obxectivos desta actividade pasan por “reflexionar sobre a nosa mochila sexual; desmontar os mitos asociados á sexualidade e ao envellecemento;. coñecer que cambios se producen no noso corpo propios da idade e a súa
influencia na sexualidade; adquirir coñecementos fundamentais sobre o propio corpo: anatomía, funcionamento, respostas sexuais; saber que papel desempeñan as nosas emocións na sexualidade e na xestión
dos cambios; adquirir ferramentas para unha vivencia positiva, informada e diversa da sexualidade”.
Na charla obradoiro deste xoves “promoverase a reflexión e a participación mediante diferentes dinámicas, nun ambiente distendido e positivo. Favorecendo un espazo seguro e respectuoso adaptado ao ritmo e as necesidades e sentires do público participante”. A duración será de hora e media a dúas horas.
A encargada de impartir esta charla teórico-práctica é Martina González, psicóloga xeral sanitaria, especializada en sexoloxía, terapia sexual e de parella. Especialista en Intervención e Acompañamento Psicolóxico en Diversidade Sexual e de Xénero. Técnica en Animación Sociocultural. Divulgadora científica, deseña e leva a cabo numerosas actividades educativas e formativas, tanto para público xeral como para institucións, organizacións e profesionais. Conta con numerosas intervencións en congresos e xornadas de sexoloxía. Fundadora e directora do Centro de Sexoloxía Con mucho gusto! Colaboradora habitual en medios de comunicación (prensa, radio e televisión), actualmente conta coa sección semanal Consellos con Sexo no programa Galicia por Diante de Radio Galega. Vogal da Sociedade Internacional de Especialistas en Sexoloxía (SÍSEX). Membro da División de Psicoloxía Clínica e da Saúde do Consello Xeral de Psicoloxía de España. Membro da Asociación Galega de Comunicación de Cultura Científica e Tecnolóxica (AGC CCT).
A Concellaría de Igualdade organiza tres charlas durante os meses de abril e de maio nas que se abordarán cuestións como a sexualidade da muller nas diferentes idades (que é a que ten lugar este xoves), o impacto emocional da diagnose oncolóxica e a sexualidade e o cancro.
A sexóloga Martina González impartirá este xoves, día 26, unha charla obradoiro sobre a sexualidade nas diferentes idades. Está organizada pola concellaría de igualdade de Ribadeo
Relacionado
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
