Viveiro, 10 de abril de 2018.-O Departamento territorial de Lugo do Servizo de Prevención e Defensa contra Incendios Forestais, dependente da Consellería do Medio Rural, deu traslado ao Concello de Viveiro, o pasado mércores 4 de abril, da denuncia efectuada por un particular, o propietario da gasolineira de Rio Pedroso, en Magazos (Viveiro) en relación co incumprimento da normativa sobre xestión da biomasa forestal.
En concreto, o titular deste establecemento de subministro de combustible alegaba o risco que provocaba o incumprimento da normativa vixente sobre separación das masas forestais, en relación cunha plantación de eucaliptos lindeira, alertando ademais a necesidade de adoptar medidas correctoras e sancionadoras polo organismo competente.
A administración autonómica procedeu á comprobación sobre o terreo dos feitos denunciados, corroborando a súa veracidade, e encargou un informe ao Servizo Xurídico que determina que é o concello de Viveiro quen ten atribuída a competencia sancionadora no presente caso.
De feito o artigo 17 da Lei 9/2017, do 26 de decembro, sobre medidas fiscais e administrativas, cita expresamente ás gasolineiras (xunto con outras instalacións sensibles como depósitos de lixo, cámpings, parques e instalacións industriais) entre os espazos nos que se debera respectar a franxa de 50 metros sen plantacións forestais.
A Xunta trasladou en todo momento ao denunciante as actuacións efectuadas así como a conclusión das mesmas e agarda que o Concello adopte as medidas correctoras e sancionadoras, se proceden, que estime acaídas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
