Lugo 24-4-18. 24, abril, 2018. O Grupo Provincial do Partido Popular presentou esta mañá en Pleno unha emenda á proposta presentada polo PSOE sobre o fortalecemento dunha atención primaria próxima, resolutiva e de calidade na provincia de Lugo. Os populares instaron á Xunta de Galicia a seguir traballando para mellorar a asistencia primaria na provincia de Lugo así como a calidade asistencial, as infraestruturas e dotacións de todos os centros e, do mesmo xeito, esixiron ao Ministerio de Sanidade e Asuntos Sociais a que incrementen prazas MIR nas especialidades con déficit como é o caso de Pediatría. Os socialistas e nacionalistas rexeitaron a emenda do PP o que motivou o voto en contra do PP á moción do PSOE, “na que menten e a que utilizan como arma política”.
O voceiro do Grupo Popular, José Ulla, defendeu que, “se saímos fóra da nosa comunidade, tendo un punto de referencia, sabemos a calidade asistencial que temos. Valoran máis a sanidade os de fóra que nós”, aínda así “lóxicamente hai que mellorar e avanzar e niso está a traballar a Xunta de Galicia”.
DATOS REAIS SOBRE O COMPROMISO SANITARIO DA XUNTA
“Aos políticos pídensenos datos” expuxo José Ulla, quen deu cifras que de-mostran a importancia que ten a sanidade para o PP. Enumerou que Galicia dispón de 469 centros de saúde e de 91 PAC, xunto a 14 hospitais máis PO-VISA, ademais da Fundación Pública de Urxencias Sanitarias 061, e demais axencias e organismos dependentes da Consellería de Sanidade e Servizo Galego de Saúde. Nestes centros e dispositivos desenvolven o seu traballo arredor de 38.000 profesionais, 1.544 máis que no 2008. De igual modo, con-vocáronse 6.133 prazas entre 2009 e 2017. “Estas son cifras reais”, reafirmou, Ulla, ao tempo que engadiu que a Xunta está a traballar no compromiso de reducir a temporalidade no Servizo Galego de Saúde.
“O orzamento dedicado a esta finalidade representa máis do 40% do da comunidade autónoma, cifra que dá a recoñecer a importancia da sanidade para o PP”, afirmou.
ASISTENCIA PEDIÁTRICA
Ademais, “vostedes menten porque no hospital de Burela existe oferta asistencial que conta co servizo de atención pediátrica. Loxicamente é un servicio que se pode mellorar”.
En pediatría, hai unha rede de atención primaria atendida por pediatras “moi importante”, mentres, por exemplo, en Europa hai moitos países nos que non hai pediatras en atención primaria, explicou. O problema do déficit de pediatras é a nivel nacional e “desde a Consellería de Sanidade trasladouse a necesidade de incrementar prazas MIR nas especialidades con déficit como pediatría”, defendeu. Así, “o Sergas ten como obxectivo prioritario garantir a calidade da prestación sanitaria na atención pediátrica. A non dispoñiblidade de profesionais dificulta en moitas ocasións a cobertura do cadro de persoal, non obstante a atención, de non haber pediatra, é prestada polos médicos de familia, profesionais perfectamente capacitados para facelo”, engadiu.
USO DA SANIDADE COMO ARMA POLÍTICA
Por último, José Ulla precisoulles aos socialistas e nacionalista que “vostedes presumen de escoitar á cidadanía, pero a cidadanía non os escoitan a vostedes, xa que prefiren escoitar unha xestión eficaz”. Ante isto, o deputado popular invitounos a falar coa poboación e criticou que “utilicen a sanidade e o su-frimento das persoas como arma política”.
COLABORACIÓN DA DEPUTACIÓN COAS BIBLIOTECAS
O PP non apoiou a moción do PSOE sobre as bibliotecas ao entender que se trata dunha iniciativa oportunista que presentan por ter sito o Día do Libro e non porque lles preocupe a situación das bibliotecas en Galicia, que é igual que as de toda España, salvo en tres comunidades –Madrid, Cataluña e País Vasco, nas que aumentou o número de bibliotecas, xa que no resto a tendencia é á baixa.
O descenso a nivel nacional, explicou Francisco Balado, iniciouse no ano 2000 a nivel nacional. En 1996 había 480 bibliotecas en Galicia e no 2000 eran 685 e ata o 2016 foi baixando ata 486 ao día de hoxe, 6 máis que en 1996. “Chama a atención que a Deputación alerte dun problema do que os responsables somos os concellos porque a maioría son municipais, non da Xunta, que só ten 6 centrais, pero as demais están nos concellos e sendo esta unha institución de corte municipalista que debe axudar aos concellos, chama a atención que advirtan dun problema que se da en todos os concellos”.
O deputado asegurou que Galicia se atopa na media e indicou que Galicia foi en 2016 a segunda CCAA que máis fondos destinou ás bibliotecas cun aumento do 20%. “Non se pode culpar ao Goberno autonómico cando dependen dos concellos e ningunha biblioteca municipal vai pechar por causas alleas á autonomía municipal”, apuntou.
O deputado indicou que a Secretaría Xeral de Cultura destinou 1,2 millóns de euros para esta materia, “unha contía importante se a aproveitamos ben”. Tamén se referiu a contías importantes para dinamización da lectura e a que a Xunta convoca axudas para a mellora de coleccións bibliográficas e benefí-cianse 113 concellos e para a adquisición de novidades editoriais, das que se benefician 152 concellos. “Sería magnífico que a Deputación de Lugo colaborara de cando en vez con estas axudas co resto dos concellos”, dixo.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
