Veciñas e veciños volvéronse a concentrar diante do Concello de Viveiro coincidindo co pleno extraordinario para esixir a derrogación da Lei de Saúde Galega. A reforma da Lei de Saúde lonxe de arranxar a sanidade pública suporá un paso atrás no dereito á saúde. “O que está a facer o Partido Popular é derrubar un ben tan importante como é a sanidade pública que construímos entre todas e todos”.
Outra Sanidade Pública é posible. “Que estea pensada para as persoas, na igualdade e na equidade. Que non primen os intereses económicos e que a saúde, o ben máis prezado que temos, sexa defendido por todas e todos”, afirmou a veciñanza de Viveiro.