A Mariña, 11 de maio de 2018. A Mancomunidade de Municipios da Mariña acordou por unanimidade, no pleno celebrado onte en Riotorto, crear unha xerencia de turismo que se encargue de levar adiante todos os proxectos nesta materia. Na sesión tamén se acordou solicitar unha entrevista co presidente da Xunta ou coa conselleira de Infraestruturas para analizar a situación na que se atopa o tren que atravesa a Mariña pola costa. A Mancomunidade sacará a concurso o Proxecto Catuxa, co que gañou o segundo Premio Coopera hai unhas.
O presidente da Mancomunidade de Municipios da Mariña, Alfredo Llano, declarou que “estivemos falando de varias cuestións e unha delas foi a creación da xerencia para que leve temas de turismo. Estamos todo o mundo de acordo en sacar a concurso unha xerencia, e imos facer unhas bases que se están elaborando, a ver se durante este mes de maio ou xuño, para poder contratar un xerente que teña as capacidades suficientes, a experiencia e todo aquilo que corresponde a un bo profesional, para que leve adiante o programa e os proxectos que temos na Mancomunidade como xeodestino. Foi o que se falou para que a xerencia sexa unha realidade se é posible a partires do mes de xullo”.
Llano contou que “tamén estivemos falando de Feve sobre a última reunión da comisión técnica de seguimento que foi en Moeche, e na que quedamos en solicitar unha reunión co presidente da Xunta ou coa responsable de Infraestruturas, Ethel Vázquez, para motivar que se traballe en mellorar o tren na nosa Mancomunidade. Sería unha petición que favorece ao conxunto das poboacións por onde pasa o tren, dende Ferrol ata onde chegue. A nosoutros o que nos importa é ter ben cuberto as necesidades de servizo público con respecto ao tren na Mariña, e imos facer unha reunión con todos os alcaldes dos concellos polos que pasa o tren. Isto foi aprobado por unanimidade”.
O presidente da Mancomunidade engadiu que “outros puntos da orde do día tiñan que ver con como imos cumprindo cos pagos, e tamén imos sacar a concurso a xestión para que unha empresa leve adiante o proxecto Catuxa do Plan Coopera, co que gañamos o segundo premio cunha dotación de 25.000 euros”.
ÚLTIMA HORA
- O Concello de Alfoz actualiza a sinalización e os recursos interpretativos da ruta de Pena Abaladoira
- A FCAM presenta dúas mil bolsas de tela e anuncia a visita de José Ribagorda para promocionar a Mariña
- O Ministerio de Agricultura, Pesca e Alimentación publica axudas por 9,9 millóns de euros para máis de 4.800 buques pesqueiros co fin de compensar a subida do prezo do gasóleo
- As XXI Xornadas Mar por Medio, que se celebran esta fin de semana, analizarán a comunicación e a proxección dos valores xacobeos
- Evacuadas doce persoas dun tren detido no interior dun túnel debido a unha chapa na vía en Mañón
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi. - Dúas alumnas do IES de Foz, Marta Chao e Kiara Cabado, de segundo curso do Ciclo Medio de Cociña, participarán a vindeira semana no 25 Campionato Mundial de Pizza Picante en Calabria (Italia)
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa. - Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo. - UGT FeSMC Lugo chama á plantilla de Alimerka a participar nunha mobilización este venres 9 de outubro, con dous turnos fóra da xornada laboral (10:30–12:00 e 17:30–19:00)
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas. - Persoa afectada por un raio en Xermade
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti. - Do 16 de outubro ao 15 de novembro, Mondoñedo acolle Gardiáns, o proxecto do fotógrafo lucense Jorge Arévalo que ofrece unha mirada íntima ás nosas razas autóctonas e á profunda conexión entre as persoas e os animais na nosa terra
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas. - Xurxo Souto volveu enchoupar Ribadeo coa súa enerxía creativa nun encontro celebrado este venres polas rúas da vila e na Biblioteca Municipal El Viejo Pancho, organizado pola A.C. Francisco Lanza
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
2021 Crónica 3 A Mariña - Implementado por GaliciaDigital