Burela, 2 de maio de 2018. O alcalde, Alfredo Llano, poñerase en contacto co embaixador de Cabo Verde en España, Manuel Ney Monteiro, para insistirlle na necesidade de abrir unha oficina, unha extensión, deste departamento ou do Consulado de Cabo Verde en Burela que atenda os trámites da poboación dese país asentada na localidade desde hai moitos anos. Llano comprometeuse na xuntanza celebrada o sábado entre asociacións de Burela e Bembibre a realizar esta xestión.
O rexedor lembrou que “o sábado pasado estivemos aquí reunidos con xente que procedeu de Bembibre, o señor Pinto que forma parte dunha asociación que tramita e leva temas administrativos dos caboverdianos que viven alí, e tamén veu informar aquí a Burela de como pode facer a xente de aquí para solicitar e axilizar cuestións como o tema dos pasaportes”.
Alfredo Llano dixo que “me solicitaron que fixera algún trámite co embaixador de Cabo Verde, Manuel Ney Monteiro, que está en Madrid, e así quedei. Vou chamalo para insistirlle nesta necesidade e para propoñerlle que unha vez ao mes, ou cada mes e medio, puideran vir desde Madrid a Burela para facerse cargo do que significa o trámite dos pasaportes como mínimo”.
O alcalde de Burela manifestou que “o Concello facilitará un local onde poidan reunirse, tramitar e todo aquilo que sexa útil para que poidan levar adiante esta demanda que ten moita xente de Cabo Verde, e que necesitan facelo temporalmente de vez en cando. Imos facer esta xestión e agardo que en pouco tempo teremos algunha resposta”.
Alfredo Llano xa falara deste asunto con Manuel Ney Monteiro na visita que cursou a Burela o embaixador de Cabo Verde en España o pasado mes de novembro.
Alfredo Llano insistirá diante da embaixada de Cabo Verde en España na necesidade de abrir unha oficina dese departamento en Burela para atender os trámites da pobocación dese país, que leva asentada na localidade moitos anos
Relacionado
-
Presentado o programa das Festas Patronais 2025 de Burela
-
Os socialistas de Viveiro reivindican que a renovación da rúa do Porto de Celeiro é un proxecto do anterior goberno con investimento da Deputación
-
Barreiros celebra este domingo o ‘Mercadiño na Primavera’ cun completo programa de actividades para toda a familia
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
