Burela 11-5-18. O partido inaugural da primeira eliminatoria de play off non regresa nas arcas dos galegos esta noite, así que Vista Alegre xa está preparado para as dúas batallas, sen tregua. O Pescados Rubén Burela FS sucumbiu a domicilio fronte ao Real Betis Futsal cun rifadísimo 2-1. A Bomboneira acollerá o segundo encontro o vindeiro venres, 18 de maio, ás 21.00, con Festa Laranxa desde as 19.00 horas. A terceira cita será o domingo, 20, a partir das 18.00 horas.
O primeiro susto dérono os galegos, nas zapatillas de Chus, xa en 4, freado por un providencial Raúl Jiménez. Tras o gol de Eric Pérez, no minuto 8 coa pizarra de Daniel Ibañes, os béticos quixeron dar un paso adiante topándose unha e outra vez coa férrea defensa mariñá. Edu, espectacular, evitou o segundo nun mísil de Rubén Cornejo no 12; antes Héctor desartellara a rápida transición de Chano. Os burelistas conseguiron conter as intencións locais avalados pola súa solidez nunha primeira para cun intenso ritmo. Pope tivo o empate no minuto 17 logo de superar a Raúl Gómez, pero fóiselle moi alta. Hélder tamén o intentou no 19, ante o pé de Raúl Jiménez. Nos últimos compases, Chus tocou o xusto e preciso para bloquear o remate de Eric Pérez.
Ao minuto do reinicio Pope puxo o ansiado empate tras saque de banda de Renato. Pouco despois, Chus, de novo desde balón parado do 12 burelista volveu poñer en apertos ás filas locais. A maxia de Edu fixo acto de presenza no 26 ante a falta de Migo. Tras unha excelente ocasión de Héctor e Hélder, o meta naronés mantívose impasible só ante Aarón (minuto 28), logo de deixar no chan a Víctor. Intentouno Raúl Jiménez nun pase longo a Raúl Gómez, pero aí estaba de novo o porteiro laranxa (minuto 32). Con todo nada puido facer o laranxa ante o recorte de Rubén Cornejo no 34, asistido por Miguel; antes tivéraa Chus en contra. Pope estivo a piques de ver de novo a rede bética tan só dous minutos despois volver recuperar a igualada, ante a boa parada de Raúl Jiménez. Con tres minutos aínda por diante, o Pescados Rubén apostou por xogo de cinco con Renato sen recompensa.
Ficha técnica
Real Betis Futsal: Raúl Jiménez, Jorge Bellvert, Rubén Cornejo, Raúl Gómez, Chano, cinco inicial; tamén xogaron Migo, Bermusell, Aarón, Eric Pérez, Ivi, Miguel
Pescados Rubén Burela FS: Edu, Hélder, Chus, Renato, Pope, cinco inicial; tamén xogaron Víctor, Héctor, Matamoros, Colacha
Goles: 1-0, minuto 8, Eric Pérez; 1-1, minuto 22, Pope; 2-1, minuto 34, Rubén Cornejo
Árbitros: Botella López // Castillo López (Murcia). Por Betis amarela para Chano (minuto 19), Aarón (minuto 29). Por Burela amarela para Víctor (minuto 38)
Incidencias: Partido correspondente ao partido inaugural da primeira eliminatoria de play off disputado en Amate.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
