Burela 12-5-18. En 2015, 2016 e 2017 o Concelleiro de Turismo e o Alcalde de Burela anunciaron a posta en marcha para Burela do turismo mariñeiro cada un deses veráns. Incluso en algunha das presentacións coa ACIA e a Confraría. Este ano adiantámonos e pedimos que, por dignidade política, deixen de facer o ridículo.
Compre poñer un pouco de realidade, CxG denuncia que sistematicamente neste senso o Concello non é capaz de facer unha soa xestión de forma directa, xa que non teñen COMPETENCIAS, polo cal solicitamos do Sr. Llano e do Sr. Ramiro que deixen de facer “superofertas” que so serven para saír nos medios e xustificar a súa presencia en algún que outro “sarao” ISO SI pagados con cartos dos veciños.
Se é certo que apostan por esta realidade e nicho de mercado no turismo, Compromiso por Galicia empraza ó goberno de Burela a facer as cousas ben, empezando por visitar vilas de Galicia onde isto funciona: Lira, Muxía, Carnota e especialmente ofrecémonos a que sexan recibidos en Muros, concello goberno por CxG que ten no proxecto Ría da Estrela un exemplo práctico.
Supoñemos que nuns días farase o anuncio dende o Concello con moita pompa e ningunha realidade. Pero emprazamos ó Sr. Ramiro que presente datos sobre as iniciativas neste eido en 2015-2016-2017, impacto económico e iniciativas privadas saídas da “forte promoción” feita polo concello, que non pasa de saír en prensa, CxG Burela xa adianta o informe: TODO O FEITO E IGUAL A CERO
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
