Denuncia que leva agardando oito meses para facer un cateterismo que valore se pode ser operado dunha válvula cardiaca

A Mariña 11 de Maio de 2018. O paciente, operado hai 49 anos dunha coartación aórtica, debe acudir a revisións periódicas na consulta de cardioloxía. Nunha destas revisións detectan unha nova lesión valvular que precisa cirurxía, máis previa á intervención é preciso realizarlle un cateterismo de valoración. Por iso asina os consentimentos informados para facer o cateterismo o día 7 de setembro do 2017.
Pero non todo acaba aí pois este doente está pendente de facer unha biopsia urolóxica, proba que descarta ou diagnostica a existencia dun cancro, máis o Servizo de Uroloxía non realiza a proba sen un cateterismo previo e sen que se resolva primeiro o seu problema cardiolóxico.
En vista deste desolador panorama o paciente contacta coa Plataforma Sanitaria para que lle axude a facer unha reclamación que se rexistra o día 2 de abril de 2018 ,con número de entrada 1045. “ Presentei esta reclamación dado que me parecía excesivo estar desde setembro do ano pasado agardando por unha proba e unha operación de corazón que considero debe ser urxente e porque teño medo de que me pase algo. O medo está sempre presente na miña vida e a esto engádese a angustia de saber se teño algo maligno na próstata, pero non me poden facer a biopsia ate que se resolva o problema cardíaco.Non hai humanidade nen tampouco vergoña”- conta o paciente visiblemente angustiado.
Esta reclamación é desoída pola xerencia e uns días despois decide contactar de novo coa Plataforma Sanitaria para insistir cunha nova reclamación presentada o 10 de abril de 2018 co número de rexistro 1458 , oito días despois da primeira. A data de hoxe ainda ninguén contactou con él e está sen citar para facer o cateterismo no Hula, primeira das probas que debería facer.

Para a Plataforma Sanitaria este caso constitue unha auténtica burla e unha absoluta falta de respecto hacia @s pacientes , que día a día están a sufrir os recortes máis brutais por parte do goberno da Xunta , que osa volver a xogar coa saúde e coa vida da xente sen importarlles o que lles poda ocurrir. “ É indecente esta falta de sensibilidade e empatía c@s mariñás e mariñaos. Os mesmos que din estar ao lado da xente para procurarlle máis e mellores servizos minten descaradamente e abandoan á súa sorte aos pacientes. Lembramoslles que pode volver a ocurrir o que pasou cos pacientes que padecían hepatite B , aos que se lles negou o acceso á medicación que curaría a súa enfermidade conducindo esta decisión á súa morte”- sentencian desde o colectivo sanitario.

A Plataforma Sanitaria advirte tamén que as mariñás e mariñaos están a ter moita paciencia c@s responsables da política sanitaria de Galicia, que día a día ven como as súas xustas demandas están a caer en saco roto e coa agravante de que “ xogan coa vida das persoas a sabiendas do que fan, máis que non descarten que @s pacientes pasen polos xulgados, como se ven indicando de xeito moi claro nas reclamacións que se presentan”- conclúe o portavoz da Plataforma Sanitaria.