Ribadeo, 2 de maio de 2018. Acisa Ribadeo ven de renovar a súa directiva para os dous vindeiros anos. Francisco Miguel Iriarte Quintana é o novo presidente, cargo que xa ostentou noutras dúas ocasións; como vicepresidente seguirá Juan Antonio Fernández Andina, a tesoureira é Manuela Torviso Pérez, que ocupa este posto desde hai máis de dez anos; e a secretaria é María Antonia López Lens, que é unhas das novas incorporacións.
Como vogais continúan: María Rocío Pertejo Vispo, Eladio Veleiro Fernández, Ramón Loredo Fernández e José Antonio Lombardero Bellón aos que se une David Martínez Martínez, o presidente de Acisa Ribadeo nos últimos dous anos. Xunto a eles estarán como novas incorporacións Roberto Rivas Tomé, ex presidente tamén de Acisa Ribadeo; Leopoldo Trenor López; Carmen Cruzado Iglesias; e Diego Valcarce Beague.
Nesta xunta directiva están representados os principais sectores da asociación, con dous membros do sector servizos, sete do comercio e catro da hostalería, que afrontan dous anos de traballo (ata o 2020), tal e como establecen os estatutos da Asociación de Comerciantes, Industriais, Servizos e Autónomos de Ribadeo.
Tras a asemblea celebrada esta tarde o novo presidente de Acisa Ribadeo, Fracisco Iriarte, agradeceu o traballo da anterior directiva: “en especial ao ex presidente, David Martínez, por estes dous anos e uns meses de traballo, e por querer seguir formando parte desta nova directiva como vogal. Grazas polo seu apoio e por todo o realizado á fronte da Asociación de Comerciantes, Industriais, Servizos e Autónomos de Ribadeo. E tamén quero salientar a labor de Emma Álvarez, Manuel Vázquez (El Farero) e Rocío Martínez. As súas obrigas profesionais ocasionaron a decisión de saír da directiva de Acisa, deixando paso a outros socios e socias do colectivo, que quixeron dar un paso á fronte para traballar polo ben desta asociación e de Ribadeo”.
Iriarte Quintana afronta esta nova etapa co obxectivo de manter as cousas positivas que se conseguiron ao longo dos últimos anos e de seguir traballando nas pendentes. Para poder levar todo este traballo adiante conta co respaldo da nova directiva, que estarán organizados en tres grupos de traballo, segundo ao sector o que pertenzan: comercio, hostalería e servizos.
Na estrutura da nova xunta directiva hai poucos cambios. Seguen todas as persoas da pasada que así o decidiron e aos que as súas circunstancias laborais llelo permiten. Ademais Acisa Ribadeo mantén a paridade nos principais postos desta xunta.
De forma inmediata a nova xunta directiva porase a traballar. O xerente, Jesús Pérez, informou na asemblea desta tarde das actividades programadas, das xuntanzas previstas e doutras cuestións do funcionamento interno da asociación.
Francisco Iriarte é o novo presidente de Acisa Ribadeo. A xunta directiva para os dous vindeiros anos foi presentada na asemblea extraordinaria celebrada este mércores
Relacionado
-
Viveiro impulsa a creación dunha unidade de atención temperá conxuntamente con Ourol e O Vicedo
-
As Festas do Oito ofrecerán gastronomía, música e actividades infantís do 4 ao 7 de setembro no Valadouro
-
A parroquia de Sante, en Trabada, celebra este domingo a terceira edición da Voltiña con percorridos e paellada popular
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
