Barreiros, 11 de maio de 2017. Barreiros está a ser escenario da rodaxe da curta O que medra por dentro, de Nacho Ozores. Un grupo de 20 persoas, entre equipo técnico e artístico, atópase desde hoxe e ata o domingo no municipio.
O director Nacho Ozores ten casa en Reinante, onde se criou, de aí que se decantase por esta zona como escenario para esta curtametraxe que fala dos incendios, “pero sen incendios”, segundo explica Silvia Fuentes, a xefa de produción. O equipo está a empregar varias localizacións en Barreiros como Santo Estevo do Ermo ou as inmediacións da praia de Arealonga. Tamén rodarán algúns planos no areal das Catedrais e nalgunha finca de titularidade privada en Ribadeo.
Jaime Olías, actor madrileño, é o protagonista desta curta. Olías coincidiu con Nacho Ozores na serie El final del camino, que emitiu TVE, e por iso foi el o elixido para este proxecto.
O alcalde barreirense, Alfonso Fuente, estivo este venres co equipo da rodaxe desta curta, saudou a Nacho Ozores e a Jaime Olías e desexoulles unha feliz estadía no municipio.
Nacho Ozores está a rodar estes días en Barreiros a curta “O que medra por dentro”, que protagoniza o actor madrileño Jaime Olías. Con eles estivo o alcalde, Alfonso Fuente
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
