O BNG de Viveiro apoia ao comercio local

Viveiro 30-5-18. Este sector de vital importancia en Galiza, nomeadamente en Viveiro, está a padecer unha situación crítica a consecuencia, entre outros motivos, das medidas ou falta de medidas que tanto o Goberno español como o Goberno galego están tomando, e que teñen como efect,o a paralización da economía a falla de crédito e a caída do consumo.

Este sector é fundamental para a economía e a sociedade galega ao que hai que engadir o papel de primeiro orde que o comercio xoga na vertebración do territorio de vilas, cidades, barrios e aldeas de Galiza, xa non só garantindo o abastecemento da poboación, senón como dinamizadores do espazo, evitando a desertización dos núcleos urbanos.

Todos os datos indican caídas permanentes de vendas, peche de establecementos, perda de postos de traballo… que están levando á desaparición do tecido comercial galego.
Esta situación que padece o pequeno comercio, tamén se ve agudizada polos novos hábitos de compras dos consumidores, destacando a compra online.

O BNG ten levado ás diferentes institucións onde ten representación a preocupación por este sector demandando ás administracións pertinentes a adopción de medidas para facer fronte ás cuestións como a perda de empregos, a comercialización de produtos galegos e a dinamización das nosas vilas, propoñendo:

-Promover axudas para implantar ou mellorar estabelecementos específicos que comercialicen produtos autóctonos,
-Colocar paneis nas entradas das vilas e cidades apoiando o comercio local e convidando a mercar nestes estabelecementos,
-Regular os horarios comerciais,
-Estabelecer liñas de créditos prioritarias para o comercio de proximidade.