Mondoñedo, 8 de maio de 2018-. A edición 2018 do Correlingua na Mariña, carreira pola lingua do alumnado de todos os ciclos educativos organizada pola CIG-Ensino, a Asociación Socio-Pedagóxica Galega (AS-PG) e a Mesa pola Normalización Lingüística, coa colaboración dos Concellos de Pontevedra, Vigo, Lugo, Santiago e Ourense, xunto coas Deputacións de Lugo, A Coruña e a de Pontevedra, foi presentada esta mañá no Concello de Mondoñedo.
No acto participaron Elena Candia López, alcaldesa de Viveiro, -concello que este ano acolle o Correlingua-, Alberto García Fernández, concelleiro delegado de Educación, Xuventude e Novas Teconoloxías, Paula Ferreiro Pena, en representación da Mesa pola Normalización Lingüística, Dores Fernández Abel, da CIG-Ensino e coordinadora da actividade, representantes dos Equipos de Dinamización Lingüística dos centros de Mondoñedo e un representante dos ciclo de Animación de Actividades Físicas e Deportivas, do IES Monte Castelo, todos eles colaboradores da edición deste ano da carreira en defensa do idioma galego.
Dores Fernández Abel, coordinadora da actividade na Mariña, explicou que este ano participarán 1000 alumnos e alumnas de varios centros da Mariña, tanto de infantil e primaria como de secundaria. Por cuarto ano, o Correlingua terá carreira de verdade, aínda que non competitiva, na que se inscribiron 355 rapazas e rapaces; o resto dos participantes fará un paseo desde a o Campo dos Remedios até a Praza da Catedral, lugar do festival final. Nesta edición contarase cun espectáculo musical deseñado exclusivamente para as e os máis pequenos, a conta de Ce Orquestra Pantasma, mentres os máis grandes estarán correndo ou camiñando pola nosa lingua.
Na festa final da Praza Maior, un grupo de alumnos e alumnas do IES San Rosendo darán lectura ao manifesto gañador deste ano, haberá actuacións promovidas polos centros, o grupo As Moreninhas, do IES Perdouro, por exemplo, e actuará o grupo gañador de outro dos certames do Correlingua, o Cantalingua, o grupo Cuarta Xusta. Tamén haberá animación musical no paseo a cargo de dous pequenos grupos de música tradicional, do CEIP Álvaro Cunqueiro e do IES de Foz.
O Correlingua iníciase no primeiro trimestre do curso coa publicación do lema e as inscricións nos diferentes concursos. O alumnado elabora as súas propostas para estes no segundo trimestre. A participación nestes certames permítelle ao alumnado reflexionar sobre a situación do noso idioma e crear os seus propios argumentos para defender o seu uso. Finalmente, no terceiro trimestre e no mes de maio, celébranse as carreiras pola lingua que percorren todo o país.
Varios participantes na presentación do Correlingua incidiron na importancia de contarmos con actividades normalizadoras, que promovan a reflexión sobre a situación do noso idioma e incidan na sensibilización no seu uso, como mecanismo imprescindíbel para o seu futuro, algo especialmente necesario no actual contexto en que os datos estatísticos inciden na perda de falantes do noso idioma, e na que cada vez é menor o seu uso como lingua vehicular no ensino, consecuencia directa da entrada en vigor da LOMCE. Entendeuse que o Correlingua é un dos proxectos cos que se consegue aglutinar un número moi alto de mocidade arredor dun elemento común, creado polo noso pobo, como é o galego.
A Coordinadora do Correlingua agradeceu aos Equipos de Dinamización Lingüística dos centros o seu empeño e ánimo para con esta actividade, ao igual que o resto dos colaboradores, en especial ao anfitrión deste ano, o Concello de Mondoñedo, que pon a disposición da organización todo o necesario para que a actividade poda levarse a cabo con total normalidade e está a ter unha implicación digna de todo eloxio.
Dores Fernández Abel
Coordinadora do Correlingua na Mariña
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
