Barreiros, 12 de maio de 2018.- Socialistas de Barreiros, Foz e O Vicedo promoven iniciativas nestes Concellos para recuperar as bandeiras azuis nas praias, perdidas con gobernos do Partido Popular. Así o adiantaron este sábado nun acto público en Barreiros, municipio con 8 quilómetros de praias sen ningunha bandeira azul dende 2016 cando o Alcalde do Partido Popular decidiu non solicitalas. O PSOE presenta a maiores neste Concello outra proposta para esixir á Xunta de Galicia axilidade na dotación dunha nova estación depuradora en San Miguel de Reinante, pois dende hai anos prodúcense verquidos contaminantes na praia de Arealonga. Fano logo de conseguir un novo proxecto e coñecer nos últimos días que este por fin está redactado.
O Secretario Xeral do PSOE na Provincia de Lugo, Álvaro Santos Ramos, lembrou que “hai 6 anos, Barreiros era o Concello da nosa provincia que lideraba o podio das bandeiras azuis, pois tiña 8 e hoxe non conta con ningunha. En Foz, había 7 e hoxe hai 5. O mesmo sucedeu no Vicedo, que pasamos de 2 a 1”. Os socialistas presentan mocións nestes municipios, instando aos Gobernos municipais, os 3 do Partido Popular, a acondicionar os areais para acadar este distintivo, que promove o turismo e garante a calidade dos servizos nas praias.
“É necesario que entender a importancia destes distintivos de calidade para o impulso do turismo en toda a provincia, pois recoñecen a calidade do servizo e é unha das cuestións que os turistas atenden á hora de planificar as vacacións”, destacou Eduardo Vidal Baamonde, Secretario de Promoción do Territorio na Executiva Socialista.
5 proteccións medioambientais que o PP non atenden
En Barreiros, “Concello e Xunta de Galicia, ambas as dúas administracións gobernadas polo Partido Popular, non están a atender ademais a súa responsabilidade de conservar os espazos naturais, como vemos que acontece en San Miguel de Reinante, unha zona con 5 proteccións medioambientais e recoñecida pola Unión Europea, onde levamos anos demandando unha nova EDAR. Despois de moita presión, conseguimos que a Xunta de Galicia asumise a súa obriga de facerse cargo do proxecto de dotación dunha nova depuradora. Nos últimos días, coñecemos que está redactado pero en avaliación e revisión. Polo tanto, solicitamos que se axilice a súa tramitación”, explicou Santos.
En Barreiros, “absoluto desleixo do Alcalde do PP”
A voceira socialista en Barreiros, María Carmen Veiga, destacou que a situación do municipio débese “ao absoluto desleixo” do Alcalde do PP, Alfonso Fuente Parga, que “prefire non solicitar as bandeiras azuis, non buscar solucións á falta de socorristas, non limpar os areais, non acondicionar os accesos, non ter os servizos en condicións… Sabe que a EDAR está a contaminar e que o Concello leva anos pagando multas con cartos de todos os veciños por esta situación pero non fai nada. Presentamos estas iniciativas para que todos os grupos se unan e consigamos volver a situar a Barreiros nun lugar de referencia no mapa turístico de España e Europa como sempre o foi”.
En Foz, “o traballo do Alcalde do PP non é bo, nin suficiente”
Por parte do PSOE de Foz, o membro Secretario de Política Municipal, Francisco Cajoto, destacou en primeiro lugar a “satisfacción” por ter recuperado as bandeiras azuis de dúas praias que son senlleiras, como A Rapadoira e Areoura; e destacou que “isto non se debeu ao traballo do Alcalde do PP, pois este non é bo, nin suficiente. Non se preocupa polos distintivos de calidade nin polos servizos que se ofrecen nas nosas praias. Por exemplo, hoxe temos unha praia en Cangas, a Praia dos Xuncos, que leva dende hai meses sen acceso para persoas con mobilidade reducida porque non se amaña a rampla, feito que levamos tempo denunciando. Podemos apostar, non só polas bandeiras azuis, senón tamén por outros distintivos como a Q de calidade ou a ISO, ao igual que fan outros Concellos como o de Burela, para seguir avanzando na promoción dos nosos areais. As praias hai que atendelas durante todo o ano, non só pouco antes do verán. Cremos que con traballo e esforzo poderíamos recuperar os 7 distintivos que tiñamos nas praias de Foz cando gobernaba o PSOE”.
Socorristas: dificultade do PP dende a Xunta
“Un dos maiores problemas que temos os Concellos para cumprir cos requisitos da bandeira azul é contar con 2 socorristas por praia”, explicou o Secretario Xeral dos Socialistas de Burela e Tenente de Alcalde do municipio, Ramiro Fernández. “As dificultades ponas o PP dende a Xunta, que debe ofrecer formación para que os municipios non teñamos que pelexarnos a ver que é o máis rápido a sacar a contratación destes profesionais”, reclamaou.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
