Ribadeo, 8 de xuño de 2018. Acisa Ribadeo repartirá 20.000 vasos do Ribadeo Indiano entre todos @s seus asociad@s. Trátase de recipientes de plástico serigrafiados, 100% reciclables e biodegradables.
Acisa, como coorganizador da V edición do Ribadeo Indiano, vólcase de xeito especial nun evento que cada ano se fai máis importante para o comercio e a hostalería ribadense, e que xera unha actividade económica inigualable.
O presidente de Aciasa, Francisco Iriarte, dixo que “entre as actividades que se realizan no marco da coorganización desta festa, Acisa colabora da mellor maneira posible proporcionando música, actividades, decoración, e moitos dos aspectos que implican organizar un festexo deste tipo, pero sempre é un traballo que se fai conxuntamente co Concello de Ribadeo, coordinándonos minuto a minuto e detalle a detalle”.
Iriarte considera que “se podería dicir que este xa non é un evento nin do Concello nin de Aciasa, senón do conxunto de Ribadeo, nosoutros como entidades organizadoras só poñemos o necesario para que saia adiante, moito traballo e esforzo que se ve recompensado. Dentro dese traballo a nosa asociación fai unha dobre labor, en primeiro lugar, e esencial, a coorganización do evento, e por outro lado as iniciativas propias para os nosos asociados”.
O responsable de Acisa Ribadeo subliñou que “tamén nos volcamos de forma directa cos nosos soci@s, e como en anos pasados se lles entregará gratuitamente a decoración de indianos para que poida decorar escaparates, terrazas, comedores, tendas, etc… Ademais tamén se lles entregará outro material complementario que non sendo directamente para a festa, seralles de utilidade”.
Francisco Iriarte manifestou que “Acisa e o Concello xa se puxeron en contacto con hostaleiros e comerciantes para animalos a ambientar os seus negocios coa temática indiana, e como todos os anos coñecer, no caso dos hostaleiros, a temática que usarán nesta edición para decorar e que menús, tapas e ofertas van realizar. A ficha con esa información deben remitila ben á Oficina de Turismo ou a Acisa Ribadeo antes do 15 de xuño”.
O presidente da Asociación de Comerciantes, Industriais, Servizos e Autónomos asegurou que “a novidade este ano do reparto de 20.000 vasos de plástico irrompible de 600 cc, nace do compromiso da asociación cos nosos socios e socias, neste caso co sector da hostalería, xa que queremos que todos os asociados e asociadas poidan repartir entre os seus clientes un recordo do Ribadeo Indiano. Somos conscientes ademais de que ese fin de semana os hostaleiros sofren unha perda de vasos de cristal considerable, polo que nosoutros poñemos á súa disposición un xeito de evitalo, ademais de traballar no compromiso de manter unhas rúas limpas, e para evitar cortes ou accidentes por vasos ou botellas rotas. Estes 20.000 vasos poñeranse a disposición dos nosos asociados na última semana de xuño para que Ribadeo se vaia impregnando do ambiente festivo de indianos”.
Francisco Iriarte declarou que “con esta iniciativa, xunto coas que xa se presentaron e se presentarán, o noso obxectivo é, por unha banda, reducir custes aos socios/as entregándolles material de forma gratuíta, por outra facer máis grande se cabe o evento do Ribadeo Indiano, traballar na concienciación da reciclaxe e da limpeza das rúas, que a lo menos sendo socio/a de ACISA terán material a súa disposición para evitar na medida do posible que haxa cristais rotos polas nosas rúas, e por suposto seguir medrando como asociación”.
O presidente de Acisa fixo fincapé en que “cantos máis sexamos, canto máis grande sexa Acisa, máis e mellores iniciativas e actividades poderemos realizar para buscar o beneficio dos nosos asociados e asociadas, e converter a Ribadeo nun referente comercial e turístico maior do que xa é hoxe en día”.
Na presentación dos vasos indianos, que tivo lugar nas instalacións de Acisa Ribadeo, participaron o presidente e o xerente, Francisco Iriarte e Jesús Pérez, así como os directivos Roberto Rivas e Carmen Cruzado.
Acisa repartirá 20.000 vasos de plástico entre @s seus asociad@s para o V Ribadeo Indiano
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
