Cervo, 8 de xuño de 2018.- O Concello de Cervo clausurou esta tarde unha nova tempada das Escolas Deportivas Municipais cun acto no que participaron o alcalde, Alfonso Villares, e o edil de Deportes, José Ramón Soto, ademais doutros membros do equipo de Goberno, persoas usuarias, monitores e monitoras e familiares dos pequenos.
A actividade, que tivo lugar no Pavillón de Cervo, contou cunha exhibición do alumnado do curso de patinaxe, á que asistiron unha trintena de participantes que amosaron o traballo feito ao longo destes meses pasados.
Desde a delegación de Deportes do Concello de Cervo, editouse, como cada ano, un manual con información e ilustracións con momentos das clases que se foron impartindo ao longo de todo o ano; e entregóuselle tamén un agasallo aos pequenos.
A oferta deportiva das Escolas, que botaron a andar no ano 2007, pretende ser o máis ampla e diversificada posible, ofrecendo disciplinas como patinaxe, voleibol e diversos xogos para os máis pequenos.
E os adultos puideron asistir a ximnasia de mantemento, pilates, aeróbic e aerozumba.
Tal e como apuntou Villares, “no día de hoxe pechamos un novo ciclo no que superamos as 160 persoas participantes”, e quixo darlle as gracias a todos e todas “por contribuír activamente a que Cervo sexa un municipio plenamente identificado do Deporte”.
O alcalde engadiu que a actividade é fundamental para o benestar físico e emocional das persoas en todas as etapas da vida; e destacou os valores que abandeira “compañeirismo, esforzo, capacidade de superación, constancia…; calidades que lle son intrínsecas e valores que desde as Administracións temos o deber de fomentar e promover”.
Villares sinalou, así mesmo, que “aínda que seguramente haxa aspectos que, entre todos e todas, podemos mellorar de cara a vindeiras tempadas, o noso compromiso é o de seguir a traballar, da man tamén de entidades locais e que fan un importantísimo traballo altruísta coas bases como é o Club Deportivo San Ciprián, para involucrar á xente nova do noso Concello, “que queira facer deporte, e que o fagan no noso municipio, porque ademais temos unhas instalacións privilexiadas para elo”.
Pola súa banda, Soto animou a todos e todas a que “o deporte vos siga acompañando durante o verán e que participedes na axenda que xa estamos a perfilar de cara aos vindeiros meses”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
