Ribadeo, 17 de xullo de 2018. O alcalde en funcións, Vicente Castro, anunciou que mañá, mércores, quedará aberta ao tráfico a rúa San Roque, que seguirá a ser de dobre sentido para a circulación de vehículos. Vicente Castro tamén respondeu ás críticas vertidas nas últimas horas desde o PP.
Vicente Castro dixo: “quería anunciar a apertura ao tráfico da rúa San Roque para mañá, mércores, a primeira hora. Contamos poñela en funcionamento, é dicir aberta á circulación con toda normalidade, igual que a situación anterior ao inicio da obras”. A primeira fase na que se actuou conta con dúas zonas de carga e descarga de 8 a 13 e de 16 a 19 horas e con aparcamento para motos e bicicletas.
Recollida do lixo e desbroces
O alcalde en funcións tamén se referiu ás acusacións realizadas nas últimas horas polo PP: “quixera explicar en primeiro lugar, con respecto ao do lixo, que foi debido a unha coxuntura de dúas avarías continuas, primeiro dun camión de recollida e despois o outro, na semana pasada. Simplemente comunicar que xa está restablecido o servizo e xa volveu á normalidade a recollida de lixo”.
O rexedor comentou ao respecto do tema do desbroce no paseo das Aceas: “parece que teñen o don da oportunidade porque dáse a casualidade de que saen as críticas no momento en que se están iniciando os desbroces”.
Vicente Castro relatou que “é un tema que vai programado con continuidade, pero este ano temos unha situación con respecto a desbroces e herba que nos desborda coas continuas choivas permanentes desde primeiro de ano, e que non pararon practicamente ata o de agora. Todo isto provoca un crecemento de todo tipo de maleza e herba que nos custa moito manter a ras”.
O alcalde ribadense engadiu que “de todas maneiras supoñemos que este tempo cambiará algunha vez e, unha vez que se estabilice, deixaremos restablecido o servizo con case total normalidade. De todos os xeitos está, a respecto do ano pasado e ao que se ven dando, nunha situación bastante aceptable para as circunstancias que se están dando coas inclemencias do tempo”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
