Cervo,17 de xullo de 2018.- O Concello de Cervo acolleu a reunión da Comisión de Medio Ambiente da Federación Española de Municipios e Provincias (FEMP), que preside o alcalde Alfonso Villares.
Na xuntanza de traballo participaron ademais do rexedor local, Luís Enrique Mecati Granado (Subdirector de Medio Ambiente FEMP, Madrid), Ángel Viveros Gutiérrez (alcalde de Coslada), José Ventura Sousa Piña (asesor alcalde de Coslada), Antonio María Ávila Fernández (concejal de Badajoz), Alberto Merchante Ballesteros (alcalde de Albalate de Zorita, Guadalajara), Jesús García Martínez (alcalde de Albudeite, Murcia), Rafael Martínez Pérez (alcalde de San Martín de la Vega, Madrid), Antonia Picó Pérez (concejala de Medio Ambiente de Santa Eularia des Riu, Baleares), José Luís Rubio Rodríguez (concejal Medio Ambiente de Arnedo, La Rioja), José Jover Sanz (alcalde Villaviciosa de Odón, Madrid), Manuel Civera Salvador (alcalde de Llíria, Valencia) e Felipe Lubián Lubián (alcalde de Lubián, Zamora).
Villares quixo agradecerlles aos presentes a asistencia a esta reunión que se celebra por primeira vez en Galicia e que cremos que é relevante “para trasladar tamén á cidadanía a liña de traballo que se segue desde esta Comisión de Medio Ambiente, na que poñemos sobre a mesa aqueles asuntos de interese municipal que nos veñen marcados desde Europa; e vemos cales son as fórmulas para poder abordalos desde a nosa posición”.
Un dos temas sobre os que afondamos neste encontro foi a directiva de redución do consumo de bolsas de plástico, que fixa a obriga de cobralas, “creo que hai que facer tamén un chamamento a aqueles que gobernan en Europa para que acompañen estas normas con directrices máis esixentes, ir máis aló, obrigando a reducir ao mínimo os residuos que poden xerar os bens de consumo; como por exemplo retirando as bolsas de plástico do mercado, pero está claro que sempre hai intereses económicos que fan forza e dificultan a posta en marcha de regulamentos máis severos”, apuntou Villares.
Outro tema que se abordou foi a directiva de auga de consumo humano que afectará a aqueles municipios de máis de 5.000 habitantes calificándoos como grandes distribuidores de auga, o que traerá consigo maiores esixencias sanitarias e medioambientais, como a intensificacións das tomas de mostras, por exemplo, o que suporá un incremento do custe estimado no 15%.
Pola súa banda, o subdirector de Medio Ambiente da FEMP, Luís Enrique Mecati incidiu nos retos que ten por diante o municipalismo, que pasan por colaborar cos consumidores para conseguir un novo modelo de vida, “introducindo conceptos como a economía circular para buscar a fórmula coa que converter os residuos nun recurso máis”.
Así mesmo, Mecati apuntou que se aprobou unha guía, que vai ser sometida a consideración da Xunta de Goberno da FEMP, para garantir o acceso universal á auga, a través de mecanismos de cooperación como bonificacións as familias necesitadas, ou recorrendo a fondos de necesidade.
Na xuntanza tamén se afondou nos conceptos que defende a rede de Biodiversidade, da que Cervo forma parte, e que se centra en tentar erradicar especies invasoras como a unlla de gato ou o plumeiro da pampa.
Tamén desde a Comisión xa se iniciaron os traballos para elaborar un manual sobre economía circular que chegará a todos os municipios españois e que terá unha finalidade pedagóxica “co fin de que este concepto se difunda entre toda a cidadanía”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
