Ribadeo, 18 de xullo de 2018. O Secretario Xeral do PSOE en Ribadeo, César Fernández Murias, destacou este mércores que “os veciños de Ribadeo e os turistas poderán pasear con tranquilidade pola enseada, un paseo turístico que vai de Vilavella ás Aceas, unha das zonas referentes do noso Concello, que se atopaba con moita maleza e nun estado lamentable, pois o Alcalde do BNG levaba máis de 4 meses sen rozar”. Fixo estas declaracións tras o acondicionamento por parte do Concello de Ribadeo deste espazo natural de máis de 2,5 quilómetros despois das denuncias dos socialistas e os veciños do municipio.
O Secretario Xeral do PSOE en Ribadeo informou que este paseo, que conta a diario cun gran número de afluencia, é un dos puntos turísticos de referencia de Ribadeo, pois é un enclave que bordea o estuario e pasa pola praia urbana dos Bloques e o antigo muíño de mareas das Aceas, que vai cara o municipio asturiano de Vegadeo. Este espazo natural é unha pequena ruta moi empregada por deportistas, que lles gusta facer exercicio ao aire libre coas súas bicicletas, correndo pu paseando.
Fernández Murias criticou que “a falta de roza por parte do goberno do BNG fixo que o paseo estivera invadido pola maleza, suscitando unha imaxe de total abandono. E poñendo en risco a seguridade de todas as persoas que circulan por este paseo a cotío. Por estes motivos, dende o PSOE de Ribadeo esiximos ao Alcalde que acondicionara esta zona, un dos reclamos turísticos do noso Concello. Os socialistas escoitamos as inquedanzas dos nosos veciños, traballando e levando iniciativas como esta que buscan mellorar a calidade de vida dos ribadenses. É un orgullo que o esforzo que facemos por desenvolver políticas que cubran as necesidades dos nosos habitantes véxanse reflectidas con este tipo de actuacións”.
O miradoiro de Santa Cruz e os espazos verdes sen acondicionar
O Secretario Xeral do PSOE en Ribadeo criticou que “o miradoiro de Santa Cruz e a maioría dos xardíns e árbores das zonas verdes do Concello están aínda sen acondicionar. O Alcalde do BNG amosa unha total falta de interese por ter os espazos públicos en condicións, sobre todo na época de verán, que triplicamos o número de habitantes no municipio. Debería tomarse en serio as labores de conservación e mantemento e deixar de ofrecer unha imaxe prexudicial de Ribadeo que non se corresponde coa realidade dos nosos veciños”.
Sen pasamáns nas escaleiras do miradoiro
Fernández Murias demandou ao goberno municipal que dotara de pasamáns as escaleiras do miradoiro, “para non poñer en perigo a integridade dos veciños da zona e dos maiores do Concello que habitualmente as utilizan para ir á praia dos Bloques”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.