Viveiro 3-8-18. Coa finalidade de render homenaxe aos escritores Antón e Ramón Vilar Ponte e asemade, apoiar e difundir a literatura en lingua galega, o Concello de Viveiro convoca o I PREMIO DE NOVELA VILAR PONTE, de acordo coas seguintes
BASES
PRIMEIRA:
Poderán participar nel todas as persoas, maiores de idade e de calquera nacionalidade, que presenten obras orixinais e inéditas; escritas en lingua galega, conforme á normativa vixente; e que non foran premiadas con anterioridade (os participantes neste premio teñen o deber de comunicar ao Concello de Viveiro a concesión de calquera premio que obteña a obra presentada, no momento no que esta situación se produza, o que dará lugar á súa exclusión deste concurso).
SEGUNDA:
As obras terán unha extensión e temática libre.
TERCEIRA:
De cada orixinal presentaranse catro copias en papel, en tamaño DIN A4, impresas a dobre espazo e, cada unha delas, debidamente grampada, cosida ou encadernada.
Os orixinais presentaranse sen firma, con título, cun lema e utilizando o sistema de plica. Non poderán levar ningunha inscrición que poida suxerir o nome do autor ou autora.
Presentarase, ademais, un sobre pechado no que figure por fóra o devandito lema e o título da obra. Dentro do sobre incluirase nome completo, dirección e teléfono do autor ou autora, así como unha fotocopia do DNI e unha declaración responsable conforme a obra se axusta ás normas establecidas nestas bases. Só se abrirá o sobre dos traballos premiados.
CUARTA:
O prazo de presentación de orixinais iniciarase ao día seguinte ao da publicación das presentes bases no Taboleiro de Anuncios Dixital e finalizará o 19 de outubro de 2018, considerándose incluídas neste prazo as que, enviadas por correo, presenten selo postal de orixe con esa data ou anterior.
As obras presentaranse no seguinte enderezo: Concello de Viveiro, Praza Maior, s/n, 27850 Viveiro (Lugo), facendo constar no exterior “Para I Premio de Novela Vilar Ponte”.
QUINTA:
O xurado, que será designado mediante Resolución de Alcaldía, estará composto por tres persoas vinculadas ao ámbito literario e cultural e mais un representante do concello, con voz e sen voto, que actuará como secretario.
A composición do xurado darase a coñecer, con anterioridade á súa reunión, no Taboleiro de Anuncios Dixital, co fin de que se poidan interpoñer os recursos legais pertinentes.
O xurado terá todas as facultades para a interpretación e integración das posibles lagoas nas presentes bases en todo o relativo á concesión do premio (que poderá quedar deserto no suposto de que non se presentaran obras de calidade adecuada a xuízo do xurado); a súa decisión estará baseada en criterios de valoración literarios e lingüísticos, dando cumprimento aos principios de publicidade, transparencia, igualdade, non discriminación e obxectividade.
As deliberacións do xurado serán secretas e delas redactarase a acta correspondente. Os premios concederanse por maioría de votos.
O xurado emitirá a súa decisión na segunda quincena do mes de novembro de 2018, presentando a súa proposta á Alcaldía do Concello de Viveiro, que ditará resolución concedendo os premios aos candidatos propostos polo xurado. Esta resolución, na que deberán figurar os nomes dos gañadores, será publicada no Taboleiro de Anuncios Dixital, outorgando un prazo de 10 días hábiles aos seleccionados para a presentación dunha declaración responsable de estar ao corrente nos seus deberes tributarios e coa seguridade social, e non estar incursos en prohibición de percepción de deberes públicos, e en xeral de cumprir os requisitos do artigo 13 da Lei 38/2003, de 17 de novembro, Xeral de Subvencións.
SEXTA:
Establécense dous premios; un primeiro premio, que consta de 4.000,00 euros, placa e diploma; e un segundo premio, que consta de 1.000,00 euros, placa e diploma. O importe dos premios estarán suxeitos á lexislación fiscal vixente. Os premios están consignados na partida 3340.481, atopándose retido o crédito necesario.
A entrega dos premios terá lugar nun acto público organizado polo Excmo. Concello de Viveiro no Teatro Pastor Díaz.
SÉTIMA:
As obras gañadoras pasarán a integrar o fondo do patrimonio da Biblioteca Pública Municipal de Viveiro, podendo ser editadas por este Concello. Neste sentido, os autores renuncian a favor do Concello de Viveiro, na primeira edición, a calquera tipo de remuneración polos seus dereitos de autor. De desexar os autores facer uso dos textos premiados para a súa publicación deberán solicitar permiso ao Concello de Viveiro. De serlles concedido os autores comprométense a facer constar na publicación, expresamente, que as obras foron distinguidas no premio de novela Vilar Ponte.
OITAVA:
As obras non premiadas serán destruídas xunto as plicas, non admitíndose peticións de devolucións.
NOVENA:
A participación neste premio implica a aceptación destas bases.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
