Burela, 21 de agosto de 2018. Está aberto o prazo para solicitar as axudas deportivas por concorrencia competitiva do Concello de Burela, despois de que onte saíran publicadas no Boletín Oficial da Provincia as bases reguladoras das mesmas. O equipo de goberno destina a este fin 20.000 euros, unha cifra que se foi incrementando desde a súa chegada ao Concello, segundo subliña o concelleiro de Deportes, Ramiro Fernández Rey. Os clubs deportivos dispoñen de 30 días naturais, contados desde hoxe, para presentar toda a documentación esixida.
O edil socialista anunciou que “no día de onte saíron publicadas, no Boletín Oficial da Provincia, as bases que van regular as axudas deportivas por concorrencia competitiva que o Concello de Burela vai dar este ano. A cantidade que imos repartir entre os clubs deportivos, que cumpran cos requisitos que se piden nesas axudas, vai ser de 20.000 euros”.
O concelleiro de Deportes subliñou que “desde que nosoutros entramos no goberno esas axudas pasaron de 13.000 a 20.000 euros, que consideramos que é unha suba máis que importante e demostra o compromiso deste equipo de goberno cos clubs deportivos de Burela”.
Ramiro Fernández Rey dixo que “o noso obxectivo é que os clubs poidan desenvolver a súa actividade da mellor maneira posible, e é por iso que cada ano imos aumentando un pouquiño máis a cantidade. Esperemos que para o ano que ven a previsión é que poida incluso subir un pouquiño máis”.
O edil burelés indicou que “os clubs que cumpran os requisitos para poder entrar dentro dese reparto de concorrencia competitiva por méritos, dunha maneira obxectiva que decidimos facer desde que entramos no goberno, teñen o prazo que marcan nesas bases para presentar toda a documentación. Esperemos que todos queden satisfeitos co reparto que se faga. Evidentemente ao haber máis cartos supoñemos que todo o mundo terá máis posibilidades tamén de levar máis contía”.
Fernández Rey fixo fincapé en que “a aposta do equipo de goberno polo deporte é clara. Esperemos que todos poidan optar a estas axudas e que o reparto sexa o máis proporcional posible, que é o que pretendemos con estas bases que fixemos que son para recoñecer os méritos de todos os clubs, e facelo dunha maneira obxectiva”.
O Concello burelés destina 20.000 euros ás axudas deportivas por concorrencia competitiva. Os clubs poden presentar xa as súas solicitudes
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
