Lugo 24 de setembro, 2018. O vicevoceiro no Senado, José Manuel Barreiro, acompañado do resto de senadores pola provincia, Dámaso López, Fernando Carlos Rodríguez e Gerardo Criado, anunciou este luns que o Grupo do PP presentará no Pleno do Senado unha batería de iniciativas, a través da que lle pedirán ao Goberno de Sánchez que manteña e cumpra todos os compromisos relativos á provincia, e que deixara encamiñados e consignados nos Orzamentos con partidas concretas o Executivo de Mariano Rajoy.
Deste xeito, segundo explicou o popular, o primeiro que demandarán é a chegada da Alta Velocidade a Lugo, a través da conexión de Monforte de Lemos; unha actuación apuntou Barreiro, “irrenunciable para a nosa provincia, tal e como recentemente ratificaron en Lugo o ex ministro de Fomento e o propio presidente da Xunta de Galicia”.
Asemade, nesta batería de iniciativas tamén esixirán ao Partido Socialista o mantemento de todas e cada unha das actuacións programadas para as Autovías que vertebrarán a provincia co resto da Comunidade. Referiuse o vicevoceiro do Senado ás que comunicarán Lugo con Santiago (A-74), Lugo con Ourense (A-56) e a da Mariña (A-74).
Os populares levarán así á Cámara Alta todos os compromisos asumidos nos Orzamentos, e que foron aprobados, lembrou, cos votos en contra do PSOE. E é que, ademais, defendeu, “estamos lexitimados para facelo, pois somos o Partido que os impulsamos. Incluso fomos nós mesmos os que lle pedimos ao Goberno de Rajoy tamén o seu cumprimento nas datas e prazos previstos”, insistiu.
Nova comisaría da Policía
No que refire ás actuacións previstas para Lugo cidade, e que dependen directamente do Goberno Central, Barreiro informou de que empregarán a maioría que teñen no Senado para solicitar ao actual ministro de Interior que explique que previsións ten para a execución da nova comisaría de Policía, no barrio da Residencia, pois, neste caso, e lonxe de amosarse triunfalista, destacou que foi el mesmo o que acadou o compromiso tácito do ex dirixente desta carteira a través dunha pregunta no Senado, en novembro do pasado ano.
Actualidade política
No Pleno desta semana, os populares tamén presentarán outras que respostan máis ao interese xeral do país. A este respecto, explicou que defenderán o equilibrio entre as dúas Cámaras -Congreso e Senado-, logo da emenda que o PSOE presentou á Lei de Violencia de Xénero co obxectivo de modificar a Lei de Estabilidade Presupostaria, destacando que “moito nos tememos que o que están facendo é cargarse o Senado pola porta de atrás porque non teñen a maioría absoluta”. Trátase esta dunha intención que dá resposta, segundo afirmou Barreiro, á petición do Grupo de Podemos para que o actual presidente do Goberno fose apoiado na investidura. “Imos a ser belixerantes co Estado e o equilibrio constitucional”, remarcou.
Por outra banda, solicitarán a reprobación da actual ministra Dolores Delgado, logo de observarse feitos suficientes para elo na súa defensa do papel da Xustiza. Asemade, tamén pedirán que o Executivo lles garanta aos pais o dereito de que poidan escoller o tipo de Educación que consideren para os seus fillos, e non aconteza como noutras Comunidades como a valenciana, “na que se cargaron a ensinanza concertada”.
Decrecemento económico
En canto á situación económica do país, e logo de que un informe da OCDE revelase un decremento significativo nesta materia dende a entrada do PSOE no Goberno, reproban a suba de impostos que pretende aplicar o equipo de Pedro Sánchez. A este respecto, Barreiro puxo como exemplo o do diésel, e que afecta a unhas 650.000 persoas en Galicia.
E é que, apuntou, “se xa existe unha desaceleración económica -con Mariono Rajoy a economía medrou no primeiro trismestre do ano un 0,7 e agora se sitúa no 0,2-, co incremento de novos impostos, esta aínda será maior. E xa sabemos como fan os socialistas coa economía, onde nada din como fixo Zapatero”, concluíu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
