Ribadeo 20-9-18. Hai cousas parellas e outras discordantes entre a Illa Pancha e a Ponte dos Santos na política local. Entre as primeiras suliñar a necesidade de luces que esparexen as sombras e das segundas o ben que se expresa o Sr. Alcalde sobre os dereitos dos veciños nun caso e como os agocha no outro.
Como saben os lectores interesados, a semana pasada publicamos un escrito no que análizabamos o proxecto de legalización dunha fosa séptica e un verquido na Illa Pancha. Este escrito foi presentado no concello, pedindo que se estudase o devandito proxecto e mesmo que o propio concello presentase as suas alegacións. Naturalmente, o colectivo Por Nuestro Faro remitiu o mesmo documento como alegación a Xunta de Galicia.
No pleno municipal do día 18 de setembro, a concelleira do PSOE, Aurora González Ginzo fixo unha pregunta sobre o mesmo tema, cousa que lle agradecemos encarecidamente.
A resposta do Sr. Alcalde non ten desperdicio. Según el o proxecto será estudado polos técnicos municipais e o concello actuará dacordo cos informes pertinentes. O problema é que o prazo de alegacións rematou o día 12 de setembro e polo tanto a estas datas os informes técnicos serán papel mollado. Temos grabadas as intervencións por se alguén as quer escoitar.
Dende o noso ponto de vista, o Sr. Alcalde, coma sempre neste asunto, ponse de costas ao miolo do problema e deixa pasar o tempo e os prazos para non comprometerse e adoptar as medidas axeitadas na defensa dos intereses os veciños. Por omisión deféndese os intereses de particulares.
Por suposto que o proxecto ten aspectos técnicos e administrativos que precisan dos informes preceptivos, pero a DECISION POLITICA de estudar o proxecto DENTRO DE PRAZO non é competencia dos funcionarios, como entende perfectamente calquer estudante de bacharelato. Como a de pedir unha ampliación do prazo por publicarse a fines de agosto e nas festas de Ribadeo. Como a de expresar unha opinión sobre unha fosa séptica que xa está construida dende abril de 2017 (según o propio proxecto técnico) e preténdese legalizar en agosto de 2018. Son actitudes coherentes ca sua primeira declaración en abril de 2015: “Un premio para Ribadeo”. Ou ca de consultar á Autoridade Portuaria (do goberno anterior) sobre os informes do Defensor del Pueblo, sen ter en conta a opinión dos funcionarios locais.
Ainda mais o Sr. Alcalde repite o que xa ten dito noutras ocasións: O que non esteña dacordo que recurra ao contencioso administrativo. Un aceno de prepotencia que malamente disimula a falla de vontade para saírse do guion e asumir as suas responsabilidades diante dos ribadenses.
Para rematar, lembraremos aquelo de que tanto lle tiña que puxeran unha tenda de roupa ou unha perruquería mentras fose legal. E logo ¿Facer unha fosa séptica e presentar o proxecto ano e medio mais tarde entra dentro da legalidade?. A ver se acaba convertida nun yacuzzi (licenza incluída) e todos tan contentos.
Colectivo POR NUESTRO FARO
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
