Viveiro 20-9-18. Este venres celébrase o Día Mundial do Alzheimer e dende o Concello de Viveiro, especialmente sensibilizado con esta enfermidade, queremos manifestar o noso apoio e a nosa solidariedade aos afectados. Consideramos que o alzheimer é un problema socio-sanitario de primeira magnitude, a epidemia do século XXI; unha enfermidade especialmente dura, triste e cruel cuxa dependencia afecta non só á ao enfermo, senón tamén á súa familia.
Neste sentido, quero aproveitar a ocasión para agradecer publicamente á Asociación de Familiares de Enfermos de Alzheimer de Viveiro polo seu traballo, compromiso e dedicación, polos esforzos realizados para mellorar a calidade de vida dos viveirenses afectados por esta doenza e das súas familias, prestando asistencia psicolóxica e ofrecendo servizos e apoio e respiro familiar.
Dende o concello de Viveiro, convencidos da gran labor desenvolta e comprometidos coa causa, conscientes dos efectos desta doenza, vense colaborando con esta asociación mediante recursos humanos e materiais para a prestación dun servizo do que se benefician tanto os propios enfermos coma as súas familias, incluíndo nesta colaboración a autorización de uso dunha parte das dependencias municipais sitas nos Claustros de San Francisco, os alimentos que se lles proporcionan aos pacientes mentres están no servizo e a labor do persoal municipal encargado de atender aos usuarios do centro en horario de mañá e tarde.
Quero, finalmente, deixar constancia do compromiso que a administración que represento mantén con esta doenza, animando a que todos nos impliquemos para avanzar xuntos cara unha mellor calidade de vida dos enfermos de Alzheimer e dos seus familiares.
Neste sentido, este ano o Concello de Viveiro, en coordinación coa Asociación de Familiares de Enfermos de Alzheimer, vai levar a cabo unha iniciativa co fin de darlle máis visibilidade a este día e, consecuentemente, colaborar súa na conciención. Así, ao longo de todo o día de mañá, unha gran pancarta colgada da casa do concello fará referencia á celebración desta data e, pola noite, a Porta de Carlos V iluminarase de cor lila como mostra de apoio e solidariedade con todos os afectados.
A alcaldesa,María Loureiro García
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
