O modelo produtivo de Galicia está hoxe de novo en cuestión, mais a realidade é que este modelo non existe e como proba e a recente nova sobre Alcoa na súa factoría de Coruña, recente pero non por iso novidosa. Cada final de ano, dende os EEUU, mandan unha mensaxe lobbista de peche, ou ERE ou de liquidación das factorías alumineiras asentadas en Galicia pero que tributan en Madrid. Unha boa estratexia empresarial, a presión social cos postos de traballo, que supuxo a esta multinacional o ingreso de máis de 1.000 millóns de euros en axudas encubertas para o custe eléctrico, que pagamos todos, dos cales non inviste nas instalacións nin un triste can.
Cómpre xa que logo, unha acción contundente de defensa dos traballadores e tamén de defensa dos consumidores eléctricos que somos os que pagamos a mala venta feita polo Señor Aznar, un agasallo ós Iankis que por pouco máis 400 millóns, mercaron 14 factorías do grupo INESPAL.
Para min a solución pasa polo SEPI e por unha acción de nacionalización de esta empresa. O artigo 128.2 da Constitución respalda esta decisión e motivos existen e tamén razóns fundadas, para saír do chantaxe de Alcoa. Imos ver se o goberno de Sánchez é quen de facelo, a Constitución non só é o 135 e o 155.
Gobernos de toda Europa, incluso Alemaña manteñen un sistema de participación en empresas de carácter estratéxico para a economía de cada lugar, o aluminio é un sector punteiro, é de xeito xa que logo preservalo, e tamén apostar pola súa potencia de xerar emprego e investigación.
Case podo crer que o tema é factible, vendo as rápidas manifestacións dos políticos do estado e sendo consciente de que Alcoa carga cun lastre segundo eles. Toca comprobar se o partido “obrero” é quen de defender ós traballadores e leva este tema ó Congreso, como solución total, ou pola contra poñerán un parche económico a unha multinacional, que xa case lle sae tan rendible esta situación como a mesma produción.
Tamén é importante que o Presidente dos galegos, rápido esta vez na mobilización, e gustoso de ir a Asturias, cando a presenza forte de Alcoa está en Galicia, iso di moito da súa defensa do País. Lembre que Alcoa paga en Madrid, por iso como galeguista lle pido que reclame o traslado do domicilio fiscal á Nosa Terra e deixe de preocuparse tanto polas empresas cataláns.
Non quero rematar sen apoiar a esas familias que estes día o están a pasar mal, tamén é importante que todos sexamos conscientes da carga de vivir sempre coa ameaza de real xa non de perder o emprego, senón de perder a túa traxectoria e competencia profesional cando a ameaza é a desaparición de todo o teu sector.
AlcoaNonSeVende AlcoaNacionalízase.
Piñeiro Docampo
Sº Xeral de CxG.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
