Compostela, 22 de outubro de 2018.- A CIG-Saúde vén alertando da falta de pediatras no SERGAS desde o ano 2012, data na que se publicou no DOG o Plan de Ordenación de Recursos Humanos no que se recollía xa a previsión de xubilacións nesta especialidade até 2017. Diante desta situación, dirixiuse en reiteradas ocasións tanto á anterior conselleira como ao actual sen obter resposta algunha. Agora denuncia a creación do posto de Pediatra de Área porque non vai dotar de máis profesionais o sistema público de saúde e porén, vai provocar inestabilidade e explotación laboral das/os que agora están.
A través da Lei de Acompañamento para os orzamentos de 2019, e sen previa comunicación á Mesa Sectorial do SERGAS –que é onde se ten que negociar a creación de calquera categoría nova, segundo se establece no Estatuto Marco, Lei 55/2003-, o Partido Popular crea a categoría de facultativo/a especialista de Pediatra de Área.
“A intención do PP coa creación desta categoría ás agochadas non é mellorar a atención pediátrica da poboación infanto-xuvenil galega, senón crear un posto de facultativo/a especialista polivalente para prestar servizos en máis dun centro hospitalario e de primaria”, denuncia a secretaria nacional de CIG-Saúde, María Xosé Abuín.
A creación deste novo posto de facultativo especialista polivalente non vai implicar novas contratacións senón, unicamente redistribuír ás/aos profesionais que xa traballan no sistema público para que en lugar de atender no centro ao que están adscritos atenda en máis de un.
A CIG-Saúde témese que detrás disto se agoche a intención de centralizar a asistencia pediátrica nos grandes núcleos de poboación desatendendo os hospitais comarcais e a atención primaria do resto dos núcleos.
Para Abuín o que si vai provocar seguro é “o empeoramento no asistencia sanitaria e a emigración de profesionais altamente cualificados/as que buscarán ofertas de traballo estábeis e sen explotación laboral que lles permitan ter un proxecto de vida digno”.
A secretaria nacional da CIG-Saúde asegura que “se realmente a intención deste goberno fose solucionar esta situación tería creado no ámbito do SERGAS a Comisión Técnica que desde a CIG vimos solicitando desde hai anos para abordar a falta de profesionais, as consecuencias que isto ten na asistencia sanitaria e as posíbeis medidas de solución”. Entre outras, Abuín sinala, adaptar a oferta de prazas MIR en Pediatría ás xubilacións producidas nestes anos, suprimir a taxa de reposición que tan graves consecuencias tivo e ten e convocar as prazas necesarias para garantir a cobertura do sistema”.
Xunto a isto a CIG-Saúde denuncia que coa creación desta nova categoría o SERGAS rompe os acordos de selección temporal e definitiva pactados coas organizacións sindicais xa que na actualidade tanto o sistema de contratación como o de OPE está diferenciado entre atención primaria e atención hospitalaria.
A CIG-Saúde exixe da consellaría de Sanidade que elimine a creación desta figura da Lei de Acompañamento dos orzamentos 2019, a inmediata creación desta comisión técnica e que se aborden este e todos os problemas de falta de persoal facultativo que padece o sistema público de saúde en Galiza.
CIG-Saúde denuncia novamente a falta de pediatras no sistema sanitario galego
Relacionado
-
Tapia de Casariego reabre o seu Albergue de Peregrinos tras unha inversión superior aos 200.000 euros
-
A Xunta e a Confraría de Ribadeo analizan novas liñas de apoio para fortalecer a actividade pesqueira local
-
Feijóo alerta dun momento “destituyente” en España durante a súa visita á exposición dedicada ao expresidente Calvo-Sotelo en Ribadeo
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
