Santiago, 30 de xaneiro de 2018. En Marea reclama un maior esforzo orzamentario que garanta a prestación de servizos sociosanitarios públicos e de calidade no conxunto da provincia de Lugo; así como unha mellora das infraestruturas e da conectividade, con especial atención ás zonas de montaña. A deputada Paula Vázquez Verao anima á Xunta de Galicia e á Deputación a realizar unha aposta decidida pola cooperación coas entidades locais, especialmente cos concellos máis pequenos, que se traduza de xeito claro nos orzamentos do goberno provincial para o vindeiro ano.
Para En Marea resulta fundamental que o reparto orzamentario para Lugo, igual que como para as demais provincias, garanta ao máximo a autonomía local e garanta un reparto equitativo dos fondos, prestando especial atención aos servizos sociais e a promoción do emprego. Así o destacou a deputada Paula Vázquez Verao logo de que o presidente da Deputación de Lugo comparecese no Parlamento de Galicia para falar dos orzamentos para 2019. Unhas contas que, para En Marea, deben servir para dar un pulo decidido aos servizos sociais na provincia, “apostando porque a Xunta asuma as súas competencias e cooperando entre administracións”.
Un dos retos principais é resolver a apertura de novas residencias para maiores. E é que “a realidade é que a rateo de prazas públicas na provincia é insuficiente”, tal e como indica Vázquez Verao; que insta ao goberno autonómico e ao provincial a realizar unha aposta seria pola cooperación que revirta nunha mellor cobertura das necesidades sociosanitarias dos e das lucenses.
“A solución é que a Xunta invista máis en prazas públicas e que coopere coa Deputación e cos concellos para que Lugo poida contar con recursos de proximidade, e rematar así co problema de que as prazas de emerxencia social teñan que ir a lugares afatados do seu entorno, así como coas longas listas de agarda”, indica a deputada de En Marea.
Paula Vázquez Verao olla cara ao sur da provincia para destacar a situación especialmente sensible de municipios como Folgoso do Courel ou O Saviñao, que continúan sen contar con residencia nin centro de día para os seus maiores. Ademais, a deputada denuncia a gran privatización que sufren os servizos sociais na zona da Mariña.
Mellorar infraestruturas e evitar o despoboamento
Para en Marea resulta fundamental que as administracións aposten por potenciar as zonas de montaña da provincia, incrementando o esforzo orzamentario para mellorar infraestruturas e garantir recursos sociosanitarios axeitados que eviten o despoboamento no Courel ou Navia de Suarna. Ademais, aposta por potenciar a recuperación do patrimonio material e inmaterial da zona e por recuperar oficios tradicionais, “evitando así unha focalización no turismo barato”.
“A Deputación pode ter un papel máis activo na recuperación de memoria horal e de tradicións festivas, igual que o ten na artesanía”, indica Vázquez Verao.
Visión comarcal e refuxios de animais
En Marea aposta tamén por potenciar programas de cultura e deporte “asentados no asociacionismo, respectando a autonomía das asociacións, dándolles participación e con bases de subvencións claras e equitativas. Ademais, reclama que se impulse a creación de orzamentos participativos. E pide un maior apoio a plans económicos integrais que incrementen a cooperación entre municipios e fomenten a visión comarcal.
A formación aposta por aplicar esa mesma visión comarcal á xestión dos refuxios de animais. “Hai que apostar por modelos de proximidade, con bo trato, e que poidan optar a ser xestionados por asociacións. É unha demanda das asociacións animalistas da provincia, que asumimos. Así, o refuxio de Monforte debe ser só para o sur, e dotar Sarria dun refuxio axeitado, superando os problemas para a veciñanza que supón a intalación ilegal do Lázaro”.
Paula Vázquez Verao tamén reclama unha revisión da titularidade da rede de estradas realizada dende unha óptica racional. E e que, tal e como indica a deputada, “segue habendo viais nos que a titularidade cambia por tramos”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
