Mondoñedo, 01 de outubro do 2018. No pleno celebrado pasado venres día 28 de setembro, o BNG mindoniense logrou aprobar, cos votos a favor de todos os grupos da corporación, dúas mocións na que instaban ao goberno municipal a elaborar dúas liñas de axudas, unha para colaborar economicamente cos estudantes de menor renda do concello na adquisición de libros de texto e material escolar e outra para colaborar no transporte dos estudantes que cursan estudos oficiais en centros de ensino fora da localidade mindoniense unha vez rematada a educación obrigatoria.
Segundo o BNG cada vez que comeza un novo ano lectivo moitos estudantes e as súas familias teñen dificultades económicas para afrontar os gastos de libros de texto, material escolar, aloxamento, manutención ou transporte de ida e volta.
Para o portavoz do BNG no concello, Eloi Cabanas, “as circunstancias económicas familiares non poden ser un freo que impida o normal desenvolvemento dos estudos dos nosos fillos e fillas” e indica que no BNG entenden que o acceso á educación é un dereito básico que debe garantir unha igualdade real de oportunidades para os alumnos e alumnas, e as administracións públicas deben procurar un modelo educativo máis igualitario, para o cal é necesario facilitar ás familias con menos recursos económicos axudas suficientes para poder afrontar os custes derivados do servizo.
O edil nacionalista apunta que a día de hoxe non hai consignación orzamentaria para poder dar estas axudas pero que se pode solucionar a través dun expediente de modificación de crédito ou ben prevela xa de cara aos orzamentos do ano 2019 para que os estudantes, que lles corresponda beneficiarse das axudas, poidan recibilas neste curso 2018-2019.
“Estaremos vixiantes para que se cumpra o acordo plenario”, conclúe.
O BNG de Mondoñedo saca adiante dúas mocións para que o concello colabore economicamente cos estudantes de menor renda na adquisición de libros de texto, material escolar e gastos de transporte
Relacionado
-
O Ministerio de Agricultura, Pesca e Alimentación publica axudas por 9,9 millóns de euros para máis de 4.800 buques pesqueiros co fin de compensar a subida do prezo do gasóleo
-
CCOO rexeita o pacto de UGT no comercio de alimentación en Lugo ao consolidar a desigualdade co resto de Galicia
-
A Deputación pon en marcha un Centro de Innovación Territorial para promover o emprego na zona rural e fixar poboación
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
