Ribadeo, 20 de outubro de 2018. O Concello iniciou esta semana as obras de construción de vestiarios e duchas na Casa das Algas, actual sede do Club de Remo Ribadeo. O investimento de 50.000 euros procede integramente de fondos municipais e o prazo de execución é de tres meses.
O concelleiro de Deportes, David Rivas, anunciou que “esta semana comezaron por fin as obras na Casa das Algas, despois dun longuísimo proceso entre proxectos e trámites de case dous anos e medio. Este martes por fin iniciáronse os traballos para dotar a este edificio dun par de vestiarios, un para nenas e outro para nenos do Club de Remo Ribadeo, que é a actual sede que teñen”.
O edil explicou que “son uns vestiarios moi básicos con cinco duchas cada un, un lavabo e sanitarios. Vaise financiar integramente con fondos propios do Concello. A obra ten un presuposto de 50.000 euros e un prazo de execución de tres meses”.
David Rivas, tras supervisar os traballos, manifestou que “se todo vai ben e as obras discorren a bo ritmo esperemos que poidan celebrar a entrada do ano con vestiarios de auga quente, antes de que veñan as xeadas máis fortes de febreiro e primeiros de marzo”.
O responsable de Deportes no Concello de Ribadeo subliñou que “é unha satisfacción porque o que parecía unha obra relativamente simple, ao final entre facer o proxecto para pedir a concesión, xa que o edificio é do Ministerio, e despois facer o proxecto da propia obra, licitación e todo, ao final todo se dilata no tempo ata límites insospeitados. É un proxecto que se empezou a facer fai dous anos e medio e aínda é hoxe cando se pode ver materialmente que comeza. A verdade é que desde o Concello estamos satisfeitos e agardamos que non haxa ningún contratempo que poida dilatar máis as obras”.
Pola súa banda o presidente do Club de Remo Ribadeo, Miguel Balsa, dixo que “é unha obra moi esperada polo club e sen dúbida é un paso moi grande de cara a ter unhas instalacións dignas para a práctica deste deporte, onde é moi frecuente mollarse, pasar frío, e que envorquen os rapaces e rapazas na auga en inverno. Entón poder darse unha ducha despois de adestrar, ou despois de envorcar para nosoutros é moi importante de cara a que o club poida medrar en todos os sensos, porque uns vestiarios fan moito nun club deste tipo de deporte”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
